لغمان کې دغصب دمخنیوي او غصب شوو ځمکو داسترداد تخنیکي پلاوی یووشتمه غونډه

۱۹ سلواغه ۱۴۰۱ه‍.ش
۱۷ رَجَب المُرَجَّب ۱۴۴۴ ه‍.ق
لغمان ولایت کې دامارتي ځمکو دغصب دمخنیوي او غصب شوو ځمکو د استرداد تخنیکي پلاوی خپله یووشتمه غونډه ددې ولایت دکرنې، اوبولګولو او مالدارۍ رییس الحاج مولوي محمدولي محسن په مشرۍ دده په کاري دفتر کې ترسره کړه. 
د غونډې په پیل کې د لغمان دکرنې رییس او د تخنیکي پلاوی مشر مولوي محمدولي محسن لارښوونکې وینا او د تیرې غونډې دپریکړو ارزونه وکړه.
په ورته مهال دتخنیکي پلاوی غړو دتره خېل او اکاخېل قومونو له څو تنوکوچیانو سره وکتل کوم چې د دوي ترمنځ په تبۍ کونج کې څه وخت وړاندې دځمکې په سر لانجه راغلې وه او نوموړی موضوع د ولایت مقام له لوري تخنیکي پلاوی ته دحل په موخه راجع شوې وه تخنیکي پلاوی دیادې موضوع دڅیړنې لپاره  د دواړو قومونو حاضر مشرانو څخه دځمکې په اړه دقانوني اسنادو غوښتنه وکړه او د دوي نظریات یې واورېدل.
 وروسته دبحث او تصمیم نیونې څخه یاد تخنیکي پلاوی علینګار ولسوالۍ ته په داسې حال کې سفر وکړ چې دلغمان مرستیال والي مولوي سعیداحمد بنوری او د دفتر رییس شکرالله کاوون یي ملتیا کوله دوی لمړۍ له علینګار ولسوال قاري زاهدالله فاتح او دیادې ولسوالۍ امنیې قوماندان سره وکتل بیا نوموړو مشرانو ددې ولسوالۍ اړوند اوي ناو سیمې ته لاړ او په ترڅ کې دغاصبینو نوې ابادي ړنګې کړی او (57.4) جریبه امارتي ځمکه یې استرداد کړه. په دې تړاو دکرنې،اوبولګولواومالدارۍ رئیس او دتخنیکي پلاوی مشر مولوي محمدولي محسن وویل چې داوي ناو او کچور ترمنځ سیمو کې 1200 جریبه امارتي ځمکه دتخنیکي هیئت له لوري تثبیت او تشخیص شوی هغه زیاته کړه نن مو دهغو غاصبینو نوې جوړې شوې ابادي او اطاقونه ړنګ کړل کوم چې غاصبینو په امارتي ځمکه کې جوړ کړی وه نوموړي وویل ددې سفر په ترڅ کې 57.4 جریبه امارتي ځمکه له غاصبینو څخه اسرداد شوه هغه زیاتوي چې یاده اندازه ځمکه د ځمکو په دولتي بانک کې ثبت او راجستر کړه.چې ترڅو په راتلونکې  څوک دیادې ځمکې ادعا ونه کړي.نوموړی بیاهم دیادو سیمو په خلکو غږ وکړ چې په امارتي ځمکو کې نوي ابادي جوړې نه کړي هغه زیاته کړه که هرچا سرغړونه وکړه نو قانوني چلند به ورسره کېږي.