غزني کې د ځمکې غصب او غصب شويو ځمکو بېرته راکرځولو کمېټې غونډه

 دغزني د امارتي (سلطاني) عامه مرعي او وقفي غصب سوو ځمکو، د غصب مخنيوي او استرداد کمیسون اړوند، د تخنیکي پلاوی رييس مولوی عبدالمنان اکرام په مشرۍ ناسته ترسره شوه.
یادې کمیټې د معمول سره سم د غزني د کرنې ریاست کې خپل منځي ناسته وکړه، په ناسته کې د خلکو د عریضو دموضوعاتو څېړنه او ارزونه ترسره شوه.
په یاده ناسته کې د امارتي (سلطاني) عامه مرعي او وقفي غصب سوو ځمکو، د غصب مخنيوي او استرداد کمیسون، د غزني د کرنې، اوبولګو او مالدارۍ وزارت او د غزني ولایت مقام لخوا تخنیکي پلاوی ته د محول شوو موضوعاتو له هر اړخیزې څېړنې وروسته لازم اجرائت ترسره شول.
همدارنګه تخنیکي کمیټې د تیرې غونډې د ترسره شوو پریکړو په اړه مربوطه مراجعو ته  تعقیبي هدایتونه ورکړل.
وروسته دخواجه عمرو ولسوالی اړوند دقلعه نوسیمې د عبدالرب دچینې نه لیدنه وشوه. یاده سیمه دغزني ولایت شمال ختیځ لورې ته موقعیت لري، چې  مساحت یې13285جریبه ځمکه ده دیادې ځمکي اړوند اسناد او دوسیه چې څه موده مخکي له کمیسون سره شریکه شوې وه دځینو معلوماتو تر بشپړېدو وروسته بېرته تخنیکي پلاوی ته راستول شوی وو.
باید وویل شي، چې د غزني ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.