هلمند کې د ځمکو د غصب مخنیوی او غصب شویو ځمکو بېرته راګرځولو تخنیکي کمېټې غونډه دائره شوه

هلمند کې د ځمکو د غصب مخنیوی او غصب شویو ځمکو بېرته راګرځولو تخنیکي کمېټې غونډه دائره شوه.
په دې غونډه کې، د یادې کمېټې رییس الحاج مولوي نظر محمد صدیقي ترڅنګ د عدلیې رییس الحاج مولوي محمد محمدي، د کار او ټولنیزو چارو رییس مولوي رحیم الله مخلص، د قضایای امارت آمر مولوي عبدالقاهر عاصم، د امنیې قوماندانۍ استازی ملا عبدالرحمن طلحه،  د ځمکو امریت استازی انجنیرحامد رسولي او نورو غړو هم حضور درلود.
د غونډې په ترڅ کې د غونډې ګډوانوالو د ٦ املاکي دوسیو ترتیب شوي راپورونه تحلیل او مطالعه کړل چې له دې ډلې څلور راپورونه تائید او لاسلیک شول او د دوو راپورونو د اصلاح په موخه نظرونه  شریک شول او پرېکړه وشوه، چې د یادو راپورونو نیمګړتیاوې دې تر اصلاح وروسته راروانې غونډې ته د لاسلیک په موخه چمتو کړل شي.
ورپسې د لښکرګاه ښار ملکي هوايي ډکر اړوند د غصب شویو ځمکو پر موضوع بحث او خبرې وشوې، د موضوع لپاره د ځمکو آمریت ته لارښونه وشوه چې یو ګډ پلاوی ولایت مقام ته وړاندیز کړي، ترڅو د یادو سیمو د غصب شویو ځمکو تشخیص او تثبیت ترسره شي او وروسته به یې پایلې د عالي مقاماتو سره شریکې شي .
وروسته د هلمند ولایت د بېلابېلو ادارو له لوري تخنیکي پلاوي ته پر راجع شویو املاکي عرایضو بحث او خبري وشوې، د یادو موضوعاتو د څېړنو او ارزونو په برخه کي لازم اجرائت ترسره شول .
وروستیو کي تخنیکي پلاوی د لسګونو مراجعینو املاکي ستونزې په مخامخ ډول واورېدې هغوی ته یې د اصولو له مخي د قانوني کړنو ډاډ ورکړ.