د کونړ دکرنې رییس: د هېواد د پرمختګ په پار باید لاسونه سره ورکړو

۱ غبرګولی ۱۴۰۲ه‍.ش
۲ ذو القعدة ۱۴۴۴ ه‍.ق
دکونړ دکرنې، اوبولګولو او مالدارۍ رییس مولوی شېرآقا پیر«حبیب الرحمن» او ورسره مل پلاوي په دې ولایت کې د عشر او زکاتو راټولونې د څارنې او ارزونې په پار د کونړ ولایت سرکاڼو، نرنګ، څوکۍ، خاص کونړ او نورګل ولسوالیو ته د سفر په ترڅ کې د یادو ولسوالیو له ولسوالانو، د ترویج عمومي مدیرانو، د عشر او زکاتو له مسؤلینو(عاملینو) او بزګرانو سره په کتنه کې پر بېلابېلو موضوعاتو خبرې وکړې.
ددغو کتنو په ترڅ کې د کونړ دکرنې رییس د یادو ولسوالیو دکرنې کارکوونکو او خلکو ستونزې واورېدل او د هر راز همکاریو ډاډ یې ورکړل.
د کونړ دکرنې رییس بزګرانو سره په کتنه کې وویل: «اوس مو هېواد همکارۍ ته اړتیا لري، د هېواد د پرمختګ لپاره باید لاسونه سره ورکړو ترڅو له اقتصادي اړخه هېواد پر ځان بسیا کړو.»
په همدې حال کې د یادو ولسوالیو چارواکو او بزګرانو دهراړخیزو همکاریو ژمنه وکړه.