د پکتیا ولایت د ځمکو د غصب مخنیوي او غصب شویو ځمکو د تشخیص او تثبیت تخنیکي پلاوی کړنې
۳۱ غویی ۱۴۰۲ه.ش
۱ ذو القعدة ۱۴۴۴ ه.ق
د پکتیا ولایت د ځمکو د غصب مخنیوي او غصب شویو ځمکو د تشخیص او تثبیت تخنیکي پلاوی د خپلو فعالیتونو په دوام د پکتیا ولایت د مرکز ګردېز اړوند د کلنګې سیمې ته سفر وکړ.
د پکتیا ولایت د غصب مخنیوي او غصب شوو ځمکو د تشخیص او تثبیت تخنیکي پلاوی په پکتیا ولایت کې د مشکوکو امارتي او عامه ځمکو د غصب مخنیوي په پار د دقیق سکېچ، کروکي، څلور خواوو او مساحت اخیستلو لپاره ګرځنده تخنیکي ټیم بېلابېلو سیمو ته سفرونه ترسره کوي، په همدې موخه د خپلو فعالیتونو په جریان کې د مرکز ګردېز اړوند کلنګې سیمې ته په نوموړې سیمه کې د امارتي، عامه او شخصي ځمکو د تشخیص په موخه سفر ترسره کړ او د نوموړې سیمې د مشکوکو امارتي، عامه او د سیمې د خلکو د ادعا په اساس د شخصي ځمکو دقیق سکېچ او کروکي واخیستل.
د یادولو وړ ده، چې په نوموړې سیمه کې به د امارتي، عامه او شخصي ځمکو د تشخیص او تثبیت اړوند دقیق املاکي څېړنې ترسره شي او د ذیصلاح ارګانونو تر نهايي فیصلې پورې به په یاده سیمه کې هر ډول مالکانه تصرف بند وي.
باید وویل شي، چې د پکتیا ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
