د کابل چهارآسیاب کې یوشمېر کروندګر وروزل شول
٢۷ غویی ۱۴۰۲ه.ش
٢۷ شَوّال المُکَرَّم ۱۴۴۴ ه.ق
دکابل دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په همکارۍ ددې ولایت د چهارآسیاب ولسوالی یوشمېر ګل خونې لرونکو ته په ګل خونو او شنوخونو کې د سبو کرکیلي اړوند روزنیز پروګرام په لاره اچولې وه.
په دې روزنیز پروګرام کې ۵۰ بزګرانو ته په ګلخونو او شنوخونو کې د بادرنګو او رومي بانجانو دکرکیلې، روزنې، خړوبول، سرې ورکول او د حرارت او رطوبت درجې تنظیم په پار هر اړخیز معلومات ورکړل شوي دي.
ددې پروګرام موخه د بزګرانو وړتیاوې لوړول او په ټوله کې په دې ولسوالی کې د شنوخونو او ګلخونو ترویج ښودل شوی دی.
