غمان کې د ځمکې غصب او غصب شويو ځمکو بېرته راکرځولو کمېټې څلوېښتمه غونډه پر وړاندې د واکسینو کمپاین پیل شو
١١ غویی ۱۴۰۲ه.ش
١١ شَوّال المُکَرَّم ۱۴۴۴ ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوی محمد ولي محسن په مشرۍ د لغمان د ښاروالۍ په رياست کې خپله څلوېښتمه غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې د نورعلي او حاجي سمیع الله د بلندمنزلو دغصب شوې ځمکې د متصرفو اشخاصو د کورونو دترسره شوي حجمي براورد او د هم دې ځمکې د متصرفو اشخاصو د کورونو تخلیه کولو باندې بحث ترسره شو.
په ورته مهال یاد تخنیکي پلاوی دنوموړو لوړپوړو ودانیو د غصب شوې ځمکې متصرفین او دبلند منزلو دځمکې مدعیان را وغوښتل او له دواړو جانبینو سره يې په جلا جلا توګه وکتل په دې کتنه کې لمړی د متصرفو اشخاصو څرګندونې واوریدل شوې نوموړو متصرفینو په خپلو خبرو کې په دې ټینګار کاوه چې دبلندمنزلو دځمکومالکان باید د دوی دکورونو ټول ساختماني مواد او اجناس او لوازم دتخلیې په صورت کې دنظر وړ ځای ته نقل مکان کوي او سربېره پر دې د کورونو براورد شوي حجم معادل قیمت به هم ورکوي بلخوا د دوه بلند منزلو مالک نورعلي دا ومنله چې تخنیکي پلاوی چې هر ډول پریکړې کوي منلو ته یې چمتو دی.
دغونډې په وروستیوکې د سرخکانو په ښارګوټي کې د٧٣٩مترمربع شنې امارتي ځمکې دتصرف په اړه حقوقي دوسیه چې دقضایای امارت له خوا دمحکمې د هدایت په اساس دتخنیکی پلاوی په اجنډا کې نیول شوې وه او مدعي علیه حاجي عبدالشکور جلسې ته راغوښتل شوی وه دځمکې دتصرف په هکله ورڅخه پوښتنې وشوې اواړونده اسناد یې هم ولیدل شوو داچې نوموړې شنه ساحه کې د تیلو پمپ جوړ کړی او دقرغیو ښاروالۍ له خوا همدغه ځمکه یوتن ابرار نومي ته دبلند منزل دشنې ساحې په نوم په په نقشه کې په نظر کې نیول شوې دقرغیوولسوالۍ د ښاروالی استازي په شتون کې د تخنیکي پلاوی له لوري پرې بحث ترسره شو د متصرف شخص له څرګندونو څخه وروسته تصمیم ونیول شو ترڅو راتلونکی جلسې ته ابرار نومی هم راوغوښتل شي او د دواړو لوریو په شتون کې ورباندې لازمې پرېکړې وشوې.
