خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي د عدلیې وزیر سره وکتل
د خوتس د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي رییس او غړو د عدلیې وزیر شیخ عبدالحکیم شرعي سره په کتنه کې پر بېلابېلو موضوعاتو خبرې اترې وکړې.
یاده غونډه، چې د عدلیې وزیر شیخ عبدالحکیم شرعي په ستوګنزي کې ترسره شوې وه، په کې د خوست په ولايت کې د امارتي ځمکو د غصب د مخنيوي، د غصب شوو ځمکو د استرداد، امارتي ځمکو څخه شرعي ګټې اخيستنې په مورد بحٿ او خبرې اترې وشوې .
په دې لیدنه کې دغه راز د تخنیکي پلاوي رییس او غړو د عدلیې وزیر ته خپلې ستونزې او نظرونه وړاندې کړل، چې دوی ته د هرراز همکاریو ډاډ ورکړل شو.
باید وویل شي، چې د ځمکو د غصب د مخنيوي کميټې تر دې دمه په خوست ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
