غزني کې د مېوو ۳۰۰ جریبه بڼونه جوړېږي

۲۷ کب ۱۴۰۱ه‍.ش
۲۵ شَعبان المُعَظّم ۱۴۴۴ ه‍.ق
د غزني د کرنې، اوبولګولو او مالدارۍ ریاست وایي، چې په غزني کې د سولې بنسټ«ROP» له خوا د مېوو ۳۰۰ جریبه بڼونه جوړېږي.
د سولې بنسټ«ROP» مؤسسې مشر انجینرصبغت الله  وایی چې یاده موسسه غواړي د غزني ښار په ګډون په مقر، قرباغ، اندړ او ده یک ولسوالیو کې په ۳۰۰ جریب ځمکه کې ۳۰۰ مثمثر باغونه جوړ کړي.
ښاغلی انجنیرصبغت الله زیاتوي چې یاد باغونه به په دغو ولسوالیو کې مستحق بزګرانو ته جوړ شي او د جوړ شویو باغونو په ساتنه او پالنه به یاد بزګران مکلف وي.
ورته مهال بیا د غزني د کرني، اوبو لګولو او مالدارۍ رئیس مولوي عبدالمنان اکرام د سولې بنسټ«ROP»مؤسسې له دغه کړني ستاینه کوي او له نورو موسساتو څخه غواړي چې د غزني په کرني او زرغونتیا کې له دوی سره مرسته وکړي.
غزني د مېوو بڼونو لپاره مناسب اقلیم لري او په دې وروستیو کې په دغه ولایت کې د مېوو سلګونه جریبه بڼونه جوړ شوي دي.