هلمند کې د باراني اوبو مهار او د ناورونو رغولو په موخه د سیمې له مشرانو سره ناسته وشوه
د هلمند ولایت د کرنې، اوبولګولو او مالدارۍ ریاست په هلو ځلو، د ډاکار مؤسسې په مالي همکارۍ، مخکې د ګڼو ناورونو سروې ترسره شوې ده او دامهال په پلان کې ده ترڅو دیادو ناورونو له ډلې څخه ځینې مهم ناورونه وروسته له څو لسیزو څخه یوځل بیا ورغول شي.
په همدې موخه د هلمند ولایت د کرنې، اوبولګولو او مالدارۍ ریاست اړوند د پلان او برنامو د همغږۍ عمومي مدیر انجنیر امان الله تسکین، د علفچرونو مدیر انجنیر عبدالکافې، د اړونده مؤسسې مسؤلینو او د قلعه بست د سیمې له مشرانو او مخورو سره مشورتي ناسته ترسره شوه.
ډاکار مؤسسه غواړي، چې د هلمند ولایت مرکزي سیمې اړوند د ریګستان په سیمه کې د باراني اوبو مهارولو په موخه ناور جوړکړي، چې مخکې یې دښورکي د ناورانو سیمه سروې او انتخاب شوې ده.
داچې دقلعه بست د سیمې ددو قومو ترمنځ پر انتخاب شوي سیمه د نظرونو اختلاف رامنځته شوی وو، نن ورځ ددواړو خواوو مشران راوغوښتل شول، غوښتنې او وړاندیزونه یې واورېدل شول چې وروسته به یې په اړه لازمه پرېکړه ووشي.
