میدان وردګو ولایت کې د افغانستان د راتلونکو نسلونو پروژې کړنې
۲۳ کب ۱۴۰۱ه.ش
۲۱ شَعبان المُعَظّم ۱۴۴۴ ه.ق
د میدان وردګو ولایت دکرنې، اوبولګولو او مالدارۍ ریاست وایي، چې د افغانستان راتلونکو نسلونو «FGA» مؤسسې ددې ولایت په بېلابېل ولسوالیو او سیمو کې دغېزناکې کړنې ترسره کړي دي.
د چارواکو په خبره د افغانستان راتلونکو نسلونو «FGA» مؤسسه د سیدآباد او جغتو ولسوالیو کې پر ۶۰۰ بزګرانو د غنمو اصلاح شوي تخمونه وېشلي او ترڅنګ یې دوی ته د غنمو کرکیلې په برخه کې روزنه هم ورکړي دي. دغه راز یاد مؤسسه د سید آباد او جغتو ولسوالیو کې ۳۶۰ مالدارانو سره د څارویو د خوراکي توکو او د چنجیو ضد درملو مرستې هم کړي دي او ترڅنګ یې یادو کورنیو ته د مالدارۍ په برخه کې روزنیز پروګرامونه هم په لاره اچولي دي.
همداراز د افغانستان راتلونکو نسلونو «FGA» مؤسسه د بېوزلو او کونډو مېرمنو د اقتصادي ملاتړ په پار پر ۲۰۰ بې وزله مېرمنو د هګیو چرګان وېشل دي، چې ددې برنامې په ترڅ کې د سید آباد په ولسوالی کې پر ۱۰۰ بې وزله مېرمنو او د جغتو ولسوالی کې هم ۱۰۰ بې وزله ښځو ته د هګیو چرګان وېشلي دي او ترڅنګ یې دوی ته د چرګانو روزنې اړوند روزنیز پروګرامونه هم دائره کړي دي.
د یادو فعالیتونو ترڅنګ د افغانستان راتلونکو نسلونو «FGA» مؤسسه یوشمېر خلکو ته د کار په بدل کې د نغدو پیسو د وېش زمینه هم برابره کړې ده، چې په ترڅ کې یې لسګونه ګورنۍ له دغو مرستو برخمن شوي دي.
