د هلمند ناوې ولسوالی عمومي بڼ کې ۳۳۰۰ نیالګي کېنول کېږي
۳ کب ۱۴۰۱ه.ش
۱ شَعبان المُعَظّم ۱۴۴۴ ه.ق
د هلمند د کرنې، اوبولګولو او مالدارۍ ریاست لخوا د ناوې ولسوالی د عمومي بڼ په ١٢ جریبه ځمکه د پرله پسې کار کولو وروسته تېره ورځ کرنې ته چمتو شوه، چې په کې د مېوه یي او زینتي ونو کرلو لړۍ پیل شوی دی.
په نوموړې قوریه کې د نیالګیو اېښودلو په لړۍ کې د ولایت مقام، کرنې ریاست او اړونده ادارو ګډ پلاوي ګډون درلود.
په نوموړې ځمکه کې دا مهال ٣٣٠٠ اصله بېلابېل مې،ه لرونکي او بې مېوې نیالګي کېنول کېږي چې په ترکیب کې یې انار ١٢٠٠ ، بیره ٣٠٠ ، شفتالو ٢٠٠ ، نارنج ٣٠٠، ناجو ٢٥٠ ، توت ٣٠٠، شیشنګ ٢٠٠ ، ګنډیری ٢٥٠ ، ګلاب ٢٠٠ او زردالو ٢٠٠ اصله نیالګي شامل دي.
د یادونې وړ ده، چې په یاده ځمکه کې به د ځانګړي پلان له مخې د مېوه یي ونو ننداریز بڼونه او د بزګرو د اړتیا وړ بېلابېل نیالګي وروزل شي.
