د ننګرهار کانال ریاست ادارې غونډه
۲۲ سلواغه ۱۴۰۱ه.ش
۲۰ رَجَب المُرَجَّب ۱۴۴۴ ه.ق
د ننګرهار کانال رییس مولوي غلام الرحمن کظيم په مشرۍ ددې ادارې اداري غونډه ترسره شو .
پدې غونډه کې چې ددې ادارې ټولو امرينو، لويو مديرانو برخه لرله په ډېرو مهمو موضوعاتو خبرې اترې وشوې او د لا ښه ترسراوي لپاره ورته تدابير ونېول شوه .
په دې غونډه کې پر بېلابېلو موضوعاتو لکه په روان کال کې د زیتونو تېلو او اچارو سلنې/ اندازې لوړولو لپاره په شته فارمونو کې ټول اګروتخنيکي فعاليتونه په وخت ترسره کول، دمالدارۍ فارم شته غواګانو نسل اصلاح او د نورو هغو غواګانو فارم ته راوړل چې ددې ځاى د اوبو او هوا سره ښه توافق ولري او د شېدو اندازه ورسره لوړه شي، د ساختماني پروژو په وخت او ښه معيار سره ترسره کولٖ، د نوو مالټه بڼونو د احداث لپاره هغه قراردادیان چه د ستروسو بوټي کري، اړينه ده چې د ریاست لخوا ورسره پلاوی موجود وي ترڅو پلاوی بوټي وګوري چه د ښه کیفیت لرونكي وي، او د سېمې سره توافق وکړي، ورسته له هغې دې وکري، د ناروغیود او افاتو مخنيوى لپاره بايد دوا شېندنه په وخت ترسره شي، همدارنګه ترانسپورت مديريت دې خپل ماشینونه ترمیم او جوړ کړي تر څو د کانال په هره پروژه کی ورته اړتیا شوه وکارول او یوشمېر نورو چارو خبرې وشوې.
