لوګر کې دځمکو د غصب مخنیوی او د غصب شویو ځمکو بېرته راګرځولو تخنیکي پلاوی د مرکز اړوند ځینو سیمو څخه لیدنه وکړه
۹ سلواغه ۱۴۰۱ه.ش
۷ رَجَب المُرَجَّب ۱۴۴۴ ه.ق
د لوګر دکرنې، اوبولګولو او مالدارۍ ریاست وایي، چې ددې ولایت دځمکو د غصب مخنیوی او د غصب شویو ځمکو بېرته راګرځولو تخنیکي پلاوی د لوګر ولایت مرکز پل علم اړوند بارگینو او لرګیو پلورنځیو سیمو څخه لیدنه وکړه.
په دغو سیمو کې ۱۵۸ د هستوګنځي نمرې لري، چې له دې ډلې د نږدې ۷۰ جریبه ځمکو چې د ښاروالۍ تر پلان لاندې دی ارزونه وشوه او د وروستۍ پرېکړې لپاره د کمېسیون رهبرۍ ته واستول شول.
دغه راز د لوګر مرکز اړوند میرابدال بابا غره ته څېرمه غیر پلاني سیمو کې پخپل سر ودان شویو کورونو څخه هم لیدنه وشوه.
ددې سیمې مساحت ۵۰ جریبه ده او نږدې ۲۰۰ کورونو څخه ۱۰۱ کورونو ته یې د استرداد قرارونه صادر شول او پاتې نورو ته به هم دغه قرارونه صادر شي.
باید وویل شي، چې د لوګر ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
