نورستان کې د ځمکې او ځنګلونو تل پاتې مدیرتی پروژه پیل شوه

۱۱ مرغومې ۱۴۰۱ه‍.ش
۸ جُمادیَ الثّاني ۱۴۴۴ ه‍.ق
د نورستان دکرنې، اوبولګولو او مالدارۍ ریاست چارواکي وایي، چې په دې ولایت کې د ځمې او ځنګلونو د تل پاتې مدیریت پروژه (FAO-GEF7) خپلې چارې پیل کړي دي.
په دې اړه جوړه شوې غونډه کې د نورستان ولایت سرپرست قاري فتح الله، د کرنې رییس مولوی سلیمان ایمن، د ځنګل ساتنې ټولنو او یوشمېر قومي مشرانو ګډون کړي ؤ.
د چارواکو په خبره د ځمکې او ځنګلونو د تل پاتې مدیریت پروژې (FAO-GEF7) له خوا د ځنګل ساتنې ټولنو غړو ته د د ځنګلونو او څړځآیونو ساتنې، چاپېریال ساتنې، د ځنګلونو د بیارغونې او پراختیا لارو چارو په هکله معلومات وړاندې وشول.
دغه راز په دې ناست کې د د ځمکې او ځنګلونو د تل پاتې مدیریت پروژې(FAO-GEF7) پر پلان هم خبرې و شوې.
د ځمکې او ځنګلونو د تل پاتې مدیریت پروژې (FAO-GEF7) چارواکو وویل، چې د نورستان ولایت مرکز پارون، کانتیوا درې او واما ولسوالی کې د ځنګلونو او څړځایونو پراختیا، چیکډیمونه، حوضونه، ویالې، مېوه لرونکو او بې مېوې بڼونو جوړولو، کورني قوریې او داسې نور پروګرامونهشامل دي، چې راتلونکي پسرلي کې به پرې کار ووشي.