لوګر کې د ځمکې غصب مخنیوی او غصب شویو ځمکو د بېرته راګرځولو کمېټې نهمه غونډه

۲۶  لېندۍ ۱۴۰۱ه‍.ش
۲۳ جمادي اﻷول ۱۴۴۴ ه‍.ق
د لوګر ولایت د کرنې، اوبولګولو او مالدارۍ ریاست درییس مولوی سید امین هاشمي په مشرۍ د دولتي، سلطاني، مرعي او وفقي ځمکو د غصب مخنیوی او د غصب څخه د بېرته راګرځولو تخنیکي پلاوی خپله نهمه غونډه تر سره کړه.
ناسته کې د تېرو موضوعاتو په اړه بحث وشو، او د لوګر مرکز پل علم اړوند آبچکان دښتې چې د ځایي خلکو لخوا دولتي ځمکې غصب شوي او خپل سري کورونه یې په کې جوړ کړي دي،ځیي خلکو چې کوم اسناد په لاس درلودل د کمېټې ټولو غړو په ګډه له لوستلو وروسته تثبیت شوه، چې یاده دښته اکثره دولتي ده او د ګوتو په شمېر څو قطعي شخصي ځمکه هم پکی شتون درلود.
د یادې دښتې د غصب شوو ځمکو په اړه تفصلي راپور ترتیب او د نهایي پرېکړې او عملي اقدام لپاره به یې د دولتي، سلطاني، مرعي او وفقي ځمکو د غصب مخنیوی او غصب څخه د بېرته راګرځولو مرکزي کمیسون ته واستوي.