د ننګرهار دکرنې ریاست: شپږو ولسوالیو کې بڼوالو ته چیله يي سیستم جوړیږي

۲۰  لېندۍ ۱۴۰۱ه‍.ش
۱۷ جمادي اﻷول ۱۴۴۴ ه‍.ق
 د ننګرهار دکرنې، اوبولګولو او مالدارۍ ریاست د ملګرو ملتونو پرمختیایي پروګرام (UNDP) په مالي  او د (ROP, CBARD) پروژې په تخنيکي همکارۍ د ننګرهار ولایت په شېرزاد، اچین، کوټ، خوګیاڼې، چپرهار او روداتو ولسوالیو کې ۱۷۱ متراکمو بڼوالانو ته د مېوو چيله يي سيستم جوړېږي.
د ننګرهار دکرنې ریاست چارواکي وايي، چې دغه سیستم به د یوې میاشتې په موده کې د ۷۶۹ زره او ۵۰۰ امریکايي دالرو په لګښت بشپړېږي.
په همدې حال کې د  (ROP, CBARD) مؤسسې مسوول انجنیر محمداکرم دلګیر وویل، چې د یادو ۱۷۱ بڼونو بڼوالو ته به په نږدې وخت کې د بڼوالۍ بشپړ توکي او تخنیکي روزنه هم ورکړل شي.
 همدارنګه هغه پر بڼوالانو غږ وکړ چې د خپلو بڼونو څخه په سمه توګه ساتنه وکړي تر څو نور کروندګر تشویق او په خپلو ځمکو بڼونه جوړ کړي.