پکتیکا کې دځمکودغصب دمخنیوی اوغصب شویوځمکوداسترداد تخنیکي ټیم چارې کړندي شوي دي
۸ لېندۍ ۱۴۰۱ه.ش
۵ جمادي اﻷول ۱۴۴۴ ه.ق
دپکتیکا ولایت دکرنې، اوبولګولواو مالدارۍ رییس په مشرۍ او دپکتیکا ولایت دځمکودغصب دمخنیوی اوغصب شویوځمکوداسترداد تخنیکی ټیم غړو په شتون کې ددې ولایت مرکز شرنې اړوند تاروخیل قوم ځمکې او د ډب غاړې ځمکو څخه لیدنه وشوه.
د پکتیکا ولایت دکرنې ریاست ویایي، چې د تاروخېل قوم خلک ۷۲ زره جریبه ځمکه لاندې کړی دی، چې په تېر حکومت کې په دې سیمه کې د مهاجرینو ښارګوتې لپاره هم یوه اندازه ځمکه بېل شوې وه.
ددې لیدنې په ترڅ د یادو خلکو ته وویل شو،که چېرې قانوني او شرعي اسناد لري یادې کمېټې سره دې شریکې کړي، او تر راتلونکې هدایت پورې دې په دې ځمکه کې هیڅ ډول تصرفات نه کوي.
دغه راز د ډب غاړې ۵۲۵۰ جریبه ځمکه چې خلکو تصرف کړي و او هیڅ اسنادی یې نه درلودل د کادسټر نقشې پر اساس امارتي وشمېرل شو او تصرف کوونکي یې دکرنې ریاست ته وغوښتل شول.
دیادولووړده چې د پکتیکا ولایت دځمکودغصب دمخنیوی کمیټې کارونه دمرکزشرنې په ګډون په نورو ولسوالیو کې هم ډېر ژر پیلېږي.
