د خوست د ځنکلونو د بيارغونې په پار هلې ځلې: په قوريو کې يې څه باندې ۱۸۸ زره نيالګي روزل شوي
۸ليندۍ ۱۴۰۰
دخوست د کرنې، مالدارۍ، عشر او زکات ریاست په دې ولایت کې دبڼونو جوړه ولو، زرغونتیا او ځنګلونو بيارغونې او پراختيا په پار هلې ځلې کوي، چې په ترڅ کې يې سږ کال دیاد ولایت په خصوصي او دولتي قوریو کې نږدې ١٨٨١٠٠ نیالګي روزل شوي دي.
دياد رياست چارواکي وايي، چې د دولتي قوریو نیالګي به دوزارت مقام د کړن لاری او لایحې مطابق عامه المنفعه ځایونو او عامه خلکو ته دچاپېریال دښکلا او ښیرازې په موخه ورکړل شي، تر څو په راتلوونکې پسرلي کې په مرکز او ولسوالیو کې کېښودل شي.
دغه راز سږ کال دکرنې ریاست دطبیعي سرچينو مدیریت تر مستقیمې رهبرۍ لاندې په خپلو قوریو کې دازادې کرنې ترڅنګ په پلاستیکي کڅوړو کې دمرپان او ناجو کرنه تر سره کړې، چې له امله به يې په راتلونکې کې دسږ کال په پر تله څو چنده زیات نیالګي وروزل شي.
