د لوی اختر په درشل کې د کانګو تبې د مخنیوي په پار یوشمېر ولایتونو کې کمپاین پیل شو
۸ زمری ۱۳۹۹
د کرنې، اوبولګولو او مالدارۍ وزارت د مالدارۍ او حیواني روغتیا د مسلکي کارکوونکو له خوا د لوی اختر په درشل کې، په یوشمېر ولایتونو کې د کانګو تبې د مخنیوي په پار کمپاین پیل شوی دی.
د دې کمپاین په لړ کې به د څارویو خرڅلاو سیمې، مېله ځایونه، ګنجونه او د څارویو د اوسېدو ځایونه (غوجلې) دواپاشي کیږي.
د دې ترڅنګ د کانګو تبې د مخنیوي په موخه خلکو ته عامه پوهاوی هم ورکول کیږي او له خلکو غوښتل کیږي، چې په لوی اختر کې د څارویو د حلالې په وخت مخنیوونکي تابیاوې ونیسي.
کانګو تبه یو وېروسي ناروغي ده، چې د حشرو، کنو او خځندو او یا هم د څارویو له لارې انسانانو ته لېږدول کیږي. د غه تبه په څارویو او انسانانو کې یوه ګډه ناروغي ده، چې ډېری وخت له څارویو څخه انسانانو ته لېږدول کیږي.
دا ناروغي په لومړیو کې د شیني، د حلالې یا له هغه وروسته له ککړې وینې او د څاروي له وړیو یا وېښتانو سره د تماس له لارې لېږدول کیږي
