لوګر کې د کرنې، مالدارۍ او پراختیا میاشتنۍ سکتوري غونډه دائره شوه 

۱۷ سلواغه ۱۴۰۳ه‍.ش
۶ شَعبان المُعَظّم ۱۴۴۶ه‍.ق
په لوګر ولایت کې د کرنې، اوبولګولو او مالدارۍ ریاست له لوري د سکتوري ادارو او مرستندویه مؤسسو ګډه میاشتنۍ غونډه دائره شوه.  
دغه غونډه، چې د کرنې، اوبولګولو او مالدارۍ رئیس مولوي شیر آقا پیر حبیب الرحمن په مشرۍ ترسره شوه، پکې د ولایت مقام، د اقتصاد ریاست، د چاپېریال ساتنې ریاست، د کرنې ریاست آمرینو او د مرستندویه مؤسسو استازو ګډون کړی و.  
د غونډې په پیل کې د کرنې رئیس ګډونوالو ته د ښه راغلاست تر څنګ د کرنې د ارزښت په اړه معلومات ورکړل او ټینګار یې وکړ چې کرنې ته ځانګړې پاملرنه وشي. همداراز، همکارو ادارو د تېرې مودې فعالیتونه او راتلونکي پلانونه له ګډونوالو سره شریک کړل.  
یاده غونډه هره میاشت د سکتوري ادارو او مرستندویه مؤسسو ترمنځ د لا ښه همغږۍ د رامنځته کولو لپاره ترسره کېږي.