د هلمند خانشین کې یوشمېر مالدارانو سره د وړیو پرېکولو د ماشینونو مرسته وشوه
۲۳چنګاښ ۱۴۰۳ه.ش
۷ مُحَرَّمُ الحَرام ۱۴۴۶ه.ق
دهلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت لخوا د خانشین ولسوالی مالدارانو سره د وړیو پرېکولو د دوو پایو ماشیانو مرسته وشوه.
دغه ماشینونه په یوه ساعت کې له ٤٠ څخه تر ٥٠ راسه پسونو پورې د وړیو د پرېکولو وړتیا لري، چې د ټولې ولسوالی مالداران به په وړیا ډول ګټه ورڅخه اخلي.
د هلمند دکرنې ریاست چارواکي وویل، چې له دغو ماشینانو څخه به په منظم ډول په دسته جمعي توګه د هر کلي مالداران ګټه اخلي تر څو په دې برخه کې یې پرتې ستونزې حل شي.
دوی همدارنګه وویل، چې دکرنې ریاست په غوښتنه او د افغانانو لپاره د هالنډ کمېټې په مالي همکارۍ دغه مرستې چمتو شوي دي، چې هڅه به وکړي ترڅو نورو ولسوالیو ته هم دغه ډول ماشینونه ووېشي.
دیادولو وړ ده، چې تر دې وړاندې هم هلمند کې د مالدارۍ سکتور د ودې او پراختیا په برخه کې زرګونه مالدارنو سره په بېلا بېلو برخو کې مرستې شوي دي.
