هلمند کې د ځمکو د غصب مخنیوی تخنیکي پلاوي غونډه دائره شوه
۶ لیندۍ ۱۴۰۲ه.ش
١۴جُمَادَى الأول ۱۴۴۵ ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۸۱مه نوبتي غونډه ترسره کړه.
د هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوي خپله ۸۱مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
په دې غونډه کې دعالیقدر امیرالمؤمنین حفظه الله د حکم په اساس، د ګرمسیر په ولسوالی کی د ۱۲ جریبه امارتي ځمکې په اړه د تللي پلاوی لخوا ترتیب شوی راپور مطالعه او لاسلیک شو. یاده ځمکه امارتي تثبیت شوه په اړه یې د ولایت محترم مقام ته یاد راپور وړاندې شو تر څو ولایت مقام یې د مشرتابه دفتر ته وړاندې کړي.
همدارنګه د کار او ټولنیزو چارو ریاست اړوند په مرکز لښکرګاه کې د احمدشاهي مینې په سیمه کې د وړکتون د ځمکې د غصب او په شهیدغلطان سیمه کې دوړکتون دځمکې د غصب موضوع تر بحث لاندې ونیول شول او پرېکړه وشوه، چې سیمې ته به پلاوی ځي مشخصات د غاصبینو او د ځمکې په اړه به لازم معلوماتونه راټولوي.
ددې ترڅنګ د هلمند ولایت اړوند نهر سراج ولسوالی کی د نورزو، ناصرانو، کاکړانو او اسحق زو تر دعوی لاندې ۴۵۰۰ جریبه ځمکه چې یاد اشخاص یې د شخصي ملکیت ادعا لري، اړونده قبالې او اسناد یې په دقیق ډول مطالعه او وارزول شول.
تخنیکي پلاوي د نهرسراج ولسوالی کی د محمداسمعیل خان ښارګوټي ځمکه چې یو شخص یی تفصیلي پلان لري، یاده ځمکه په هر اړخیزه توګه بررسي شوه چې د یاد شخص ۳۶جریبه شخصي ځمکه پکې موجود وه او د شهرک پاتې ۴۶ جریبه ځمکه یې امارتي تثبیت شوه.
همدارنګه په باباجی ولسوالی کې ۶۶.۵ جریبه ځمکه چی ددو اشخاصو ورباندی دعوی وه ، محکمی یی لومړی ذوالید تثبیت او معرفي کړ، چې یاده ځمکه د اجارو د قرارداد په موخه د لومړنی متصرف په هکله د ځمکو محترم آمریت ته ولېږل شو.
همدارنګه د هاشم الکوزی د ٦ بابه مارکیټونو د ځمکې موضوع چې تخنیکي هیئت ته د بررسئ په موخه سپارل سوې ده ، تصمیم ونیول سو چې یادې ساحې ته دې د هیئت د تعين لپاره پيشنهاد وشي تر څو موضوع برسي کړي.
همدارنګه په باباجی ولسوالی کی ۶۶.۵ جریبه ځمکه چی ددو اشخاصو ورباندی دعوی وه ، محکمی یی لومړی ذوالید تثبیت او معرفی کړ ، چی یاده ځمکه د اجارو د قرارداد په موخه د لومړنی متصرف په هکله د ځمکو محترم آمریت ته ولیږل سو .
همدارنګه د هاشم الکوزی د ٦ بابه مارکیټونو د ځمکې موضوع چې تخنیکي هیئت ته د بررسئ په موخه سپارل سوې ده ، تصمیم ونیول سو چې یادې ساحې ته دې د هیئت د تعين لپاره پيشنهاد وشي تر څو موضوع برسي کړي.
همدارنګه د بولان د تاريخي کلا سیمه چې اطلاعات او فرهنګ ریاست یې د غصب څخه د خلاصولو غوښتنه کړې ده ، د هئيتي لپاره راتلونکي سه شنبي په ورځ د تخنيکي هئيت اعضاء د هئيتي په موخه ساحي ته ځي تر څو موضوع د نژدي وګوري او بررسي ئي کړي.
د حکمت الله ولد زغفران اکا د ځمکې موضوع لپاره د اړوندي ولسوالي څخه معلومات غوښتل سول ، نوموړي شخص ادعا لري چې دده متصرف ځمکه زورمندانو په باباجي ولسوالئ کې غصب کړې ده.
ددې ترڅنګ د محمدظريف په نوم شخص چې عرضپاڼه یی د ولايت محترم مقام لخوا راغلي ده او په ليکلي ډول ئي د معلوماتو غوښتنه کړيده بنآء داچې نوموړي موضوع د ذواليدي ده ، لومړي دې موضوع محکمي ته واستول شي او همدارنګه د ولايت محترم مقام ته دې هم په ليکلي ډول ګذارش واستول شي.
تخنیکي پلاوي همدارنګه دوه جلده دوسيې چې د ذواليدي اړوند دي او ٦٦ جریبه ځمکه کیږي د اصلي او معتبر ذوالید د معلومولو په موخه و محکمې ته واستول شو.
تخنیکي پلاوي وروستیو کې د یو شمېر ولسي وګړو املاکي ستونزې هم واورېدې او د موضوعاتو حل په موخه ورته د اصولي کړنو ډاډ ورکړل.
