لغمان کې د کرنیزو فعالیتونو په پار پر ۱۶۵ جريبه ځمکه پانګونه وشوه

دکرنې، اوبولګولو او مالدارۍ وزارت هلې ځلې کوی، چې د هېواد په کچه شاړې ځمکې خلکو او شرکتونو ته په اجاره ورکړي، چې دوی پرې پانګونه وکړي او له دې لارې خلکو ته د کاري زمینې برابرولو ترځنګ، د کرنیزو محصولاتو تولید ډېر او د حکومت د عوایدو کچه ورسره لوړ شي.
په همدې موخه د لغمان قرغیو ولسوالی خیرو خېلو سیمه کې ۱۶۵ جریبه دولتي ځمکه د بڼوالۍ، مالدارۍ او کرنيزو فعالیتونو په موخه د اوږد مهال لپاره په اجاره ورکړل شوي دي.
دلغمان کرنې،اوبولګولواومالدارۍ ریاست وايې، چې ددې ولايت دقرغیو ولسوالی اړوند خیروخېلو سیمه کې ۱۶۵ جریبه دولتي ځمکه نبي افغان کرنیزو خدمتونو شرکت ته د بڼوالۍ، مالدارۍ او کرنیزو فعالیتونو په موخه اوږد مهال لپاره په اجاره ورکړل شوي دي، چې نوموړی شرکت به په دې ځمکه کې نږدې یو میلونه امریکایي ډالرو پانګونه وکړي. 
په همدې موخه په جوړه شویو مراسمو کې د لغمان ولایت د کرنې، اوبولګولواومالدارۍ رییس الحاج مولوي محمدولي محسن، دشرکت مسؤل، د تخنیکي پلاوی غړو او همداراز د بېلابېلو ادارو مسؤولینو گډون کړی وو. 
په دې غونډه کې د لغمان دکرنې، اوبولګولواومالدارۍ رییس مولوي محمدولي محسن خبرې وکړې وویل، هڅه کوي چې داسې نور پانګوال راجلب کړي، چې د کلونو کلونو څخه پاتې شاړې دښتې د بڼوالي، او مالدارۍ پروژو په تطبیق سره ابادې کړي.
 هغه زیاته کړه، چې د داسې فعالیتونو په تطبیق سره له یوې خوا د دولت عواید زیاتېږي او له بل اړخه بې روزګاره خلکو ته دکار زمینه برابریږي.
ښاغلي محسن دخپلو خبرو په لړ کې وویل، چې نوموړی شرکت به د کرنې، بڼوالۍ او مالدارۍ برخو کې نږدې یو میلون امریکایي ډالر پانګونه وکړي، چې ورسره سم به  لسګونو کسانو ته دکار زمینه هم برابره شي