د هلمند ناوه کې د کروندې ورځ ولمانځل شو
١٤ زمری ۱۴۰۲ه.ش
١٨ مُحَرَّمُ الحَرام ۱۴۴۵ه.ق
دهلمند ولایت د کرنې، اوبولګولو او مالدارۍ ریاست لخوا، له افغان کډوالو سره د مرستې لپاره د ډنمارک کمیټې یا ډاکار مؤسسې په مالي همکارۍ ١٠٠ تنو بزګرو ته د کروندې ورځ دائره شوه.
د نوموړې پروسې په لړ کې بزګرو ته د جوارو د اصلاح شوو تخونو کروندې او قطعات په عملي او نظري ډول ور وښودل شوې تر څو د کرنې او پالنې نوې لارې چارې په خپلو کروندو کې پلي کړي.
په یاده پروسه کې د ناوې ولسوالی اړوند د خرابې، خسرو اباد، نګارین، او لوړ ګوهرګین سیمو بزګرو ګډون کړی وو.
