ننګرهار کې دکار په بدل کې لسګونو کورنیو ته د نغدو پیسو د وېش لړۍ پیل شوه
۱۷ زمری ۱۴۰۳ه.ش
۳ صَفَر المُظَفَّر ۱۴۴۶ه.ق
د ننګرهار دکرنې، اوبولګولو او مالدارۍ ریاست په هڅو د نړۍوالې پراختیایي ادارې په مالي لګښت او د اکشن اېډ مؤسسې په تخنیکي همکارۍ «دسي بارډ ال» پروژې له لارې ددې ولایت د یوولسو چپرهار، خوږیاني، شیرزاد، کوټ، دره نور،لعلپوره، اچین، رودات، بهسود، سره رود او مومندرې ولسوالیو کې پر ۱۵۱۰ هېوادوالو ته د اتو ورځو کار زمینه برابره شوې وه.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل د اکشن اېډ د سي بارډ ال پروژې له لورې هر کاریګر ته د اتو ورځو کار په مقابل کې ۳۵۲۸ افغانۍ ورکړل شوي.
د ننګرهار دکرنې رییس وویل: «د یوولسو ولسوالیو ۳۰۲ جریبه کرنیزي ځمکې چې د تېرو سېلابونو له امله تخریب شوې وې دیادې پروژې له لارې بیا ځل لپاره ورغول شول.»
نوموړي وویل، چې په دغه پروژه کې ۱۵۱۰ کاریګرو اته ورځې کار ترسره کړې او د ورځې ورته نږدې څلور سوه پنځوس افغانۍ په پام کې نیول شوې وې چې نن ورته عملاً وېش ترسره شوه.
همداراز کرنې رییس د مؤسسې له مسؤلینو د مننې ترڅنګ له دوی وغوښتل دپاتې نورو ولسوالیو تخریب شویو ځمکو دابادولو لړۍ ته دې دوام ورکړي.
