د پکتیکا دکرنې رییس د جاني خېل، یوسف خېل او خوشامند ولسوالیو له قومي مشرانو سره وکتل
۲۲ کب ۱۴۰۱ه.ش
۲۰ شَعبان المُعَظّم ۱۴۴۴ ه.ق
د پکتیکا دکرنې، اوبولګولو او مالدارۍ رییس مولوی محمد اسماعیل شکیب ددې ولایت د جاني خېل، یوسف خېل او خوشامند ولسوالیو له قومي مشرانو سره په کتنه کې د دوی ستونزې او ننګونې واورېدل.
ددې کتنې په ترڅ کې یادو مشرانو وویل، چې هغه ځمکې چې د دوی په تصرف کې دي باید د کښت اجازه دې ورکړل شي، دوی وویل، چې په تېر حکومت کې د کرنې په برخه کې له دوی سره مرستې نه دي شوي.
د پکتیکا دکرنې رییس محمداسماعیل شکیب یادو مشرانو ته د د ښه راغلاست ترڅنګ وویل، چې د مشرتابه د حکم پر اساس د شاړو ځمکو وېشل تر امرثاني پورې بند دي. ښاغلی شکیب وویل، چې یادو قومي مشرانو ته وویل، چې د کرنې ریاست هلې ځلې کوی، چې د مؤسساتو له خوا همکارۍ جلب او له دوی سره مرستې او همکارۍ وکړي.
