هلمند کې د مېوه لرونکو نیالګیو پیوندولو چارې پیل شوې

۱۲ وږی ۱۴۰۱ه‍.ش
۶ صَفَرالمظفّر ۱۴۴۴ ه‍.ق
دهلمند ولایت د کرنې، اوبولګولو او مالدارۍ ریاست اړوند د طبعي سرچینو آمریت لخوا، د بولان انار باغ د نیالګیو روزلو قوریه کې د مېوه لرونکو نیالګیو پیوند چارې د فني او مسلکي کارمندانو لخوا پیل شوي دي.
په دې پروسه کې زرګونه اصله بېلابېل مېوه لرونکي نیالګي په فني ډول پیوند کېږي، چې راتلونکي کال ته به د کرنې وزارت د ځانګړې کړنلارې له مخې د بزګرو په واک کې ورکول شي.
د بولان انار باغ د نیالګیو روزلو قوریه کې سږکال په لوړه کچه بېلابېل مېوه، یي او بې میوې نیالګي تر روزنې لاندې دي، چې پکې، ګرنګیچ ، شفتالو، پلم الوچه، زردالو، تاک، انار، انځر، لیمو، پیسته، توت او تر څنګ یې زینتي بوټي هم شامل دي. 
د هلمند د کرنې ریاست هڅه کوي، چې هلمند کې د اصلاح شوو نیالګیو د تولید کچه زیاته کړي او د بڼوالۍ سیستم له دودیز ډول څخه عصري او پرمختللي بڼې ته واړوي، تر څو بزګر وکولای شي له همدې لارې خپل کرنیز اقتصاد پیاوړي کړي.