هلمند ته دکرنې وزارت د مسلکي مرستیال سفر
۴ زمری ۱۴۰۱ ه.ش
۲۷ ذوالحجَّة ۱۴۴۳ ه.ق
دکرنې ، اوبولګولو او مالدارۍ وزارت د کرنې او مالدارۍ مرستيال الحاج مولوي صدراعظم د هلمند ولايت د بزګرانو او مالدارانو ستونزو ته د رسېدنې او ولسونو سره د ليده کاته په پار هلمند ولايت ته ورسېد.
د کرنې ، اوبولګولو او مالدارۍ وزارت مسلکي مرستیال مولوي صدر اعظم هلمند ته د خپل سفر پر مهال د هلمند ریاست له مسؤلینو او کارکوونکو سره ناسته وکړه.
په پیل کې ښاغلی صدراعظم د خپل سفر په اړه معلومات وړاندې کړل او ویې ویل:«داچې هلمند یو کرنیز ولایت دی، د کرنې، اوبولګولو او مالدارۍ وزارت رهبرۍ دې ولایت ته ځانګړې پاملرنه لري او هڅه کوي چې په دې ولایت کې پر مهمو اوبنسټیزو برخو کار وکړي» .
د کرنې وزارت مسلکي مرستیال دغه راز وویل: «د کرنې وزارت سیمه ییز مسؤلین او کارکوونکي مسؤلیت او مکلفیت لري، چې د ځمکوالو، مالدارانو او بزګرانو د کرنیزې ودې او پراختیا په پار د ا.ا.ا د نافذه قوانینو له مخې له ممکنه لارو کار واخلي او په دې برخه کې په پوره صداقت او رښتونولۍ سره چوپړتیاوې وړاندې کړي».
د کرنې وزارت د کرنې او مالدارۍ مرستیال د هلمند د کرنې ادارې مسؤلینو ته سپارښتنه وکړه، چې په دې ولایت کې د کرنې او مالدارۍ د ودې او پراختیا په موخه لومړیتوبونه په نښه او د وزارت مقام له رهبرۍ سره دې شریک کړي تر څو په دې برخه کې لازم اقدامات ترسره شي.
په همدې حال کې د هلمند د کرنې ریاست مسؤلینو او کارکوونکو په جلاجلا ډول په اړونده برخه کې د لاسته راوړنو، ستونزو او غوښتنو په اړه خپل معلومات شریک کړل او د وزارت مقام له رهبرۍ څخه یې مننه وکړه، چې تل یې یاد ولایت ته پاملرنه کړې ده او له نږدې یې د ستونزو تشخیص تر څنګ پر وړاندیزونو او بنسټیزو کارونو غور کړئ دی.
