د پکتیا زرمت کې ۸۳ کسانو ته د چرګانو پالنې لارې چارې وښودل شوې
۲۹ چنګاښ ۱۴۰۱ ه.ش
۲۱ ذوالحجَّة ۱۴۴۳ ه.ق
د کرنې، اوبولګولو او مالدارۍ وزارت د بېوزله کورنیو د اقتصادي ودې په پار داځل د پاملرنې مؤسسې(CARE) په همکارۍ د پکتیا ولایت د زرمت په ولسوالی کې ۸۳ بېوزله کورنیو ته د هګیو چرګانو د واړه کورني فارمونو جوړولو لړۍ پیلوي. په همدې موخه یادو کورنیو ته د چرګانو پالنې، مرغانچو جوړولو، ناروغیو او د چرګانو د خوراکي توکو د ستعمال په اړه روزنه ورکړل شوه.
دپکتیا د کرنې، اوبولګولو او مالدارۍ رياست وايي، چې د پاملرنې مؤسسې(CARE) په همکارۍ د دغو بېوزله کورنیو د اقتصادي پیاوړتیا په پار پر هرې کورنۍ ۱۰ د هګیو چرګان، د چرګانو خوراکي توکي او د چرګانو د روزنې اړوند نور اړین توکي وېشل کېږي.
د پکتیا د کرنې ریاست د چارواکو په خبره ددې مرستې موخه د چرګانو د روزنې صنعت ته پراختیا ورکول او مېرمنو ته په کور د ننه د کار زمینه برابرول او د دوی اقتصادي پیاوړتیا ده.
