دننګرهار دکرنې رياست:  همکارو برنامو او پروژو سره د مني موسم د بڼوالۍ په موخه د همغږۍ ناسته ترسره شوه

۱۴/صفر/۱۴۴۳هـ.ق
۳۰/وږی/۱۴۰۰هـ.ش
د ننګرهار د کرنې، مالدارۍ،  عشر او زکات رئیس په ننګرهار ولایت کې د کرنې او مالدارۍ د همکارو پروژو او برنامو سره د مني موسم بڼوالۍ، بزګرانو غوښتنو ، عرایضو، ، اهمیت او همغږۍ په موخه ناسته ترسره کړه.  
د ننګرهار د کرنې، مالدارۍ،  عشر او زکات رئیس مولوي عبدالستار محمد د همکارو پروژو او برنامو چارواکو ته د ښه راغلاست ترڅنګ د هر راز همکارۍ ډاډ ورکړ.  
عبدالستارمحمد د اسلام له نظره د بڼوالۍ پر ارزښت،  اقتصادي او ټولنيزو ښیګنو او ګټو خبرې وکړې.  
دننګرهار دکرنې چارسمبال دغه راز وويل چې سږ کال به د منی په موسم کې  د همکارو پروژو او برنامو په مرسته ۱۳۰۰ جريبه بڼونه جوړ شي.
په ورته وخت کې د کرنیزو خدمتونو امر عبدالوارث تاند د بڼوالو انتخاب،  بڼوالۍ ارزښت،  د بڼوالۍ په طرحو،  د تېرکال بڼوالۍ او نورو اړونده مسایلو خبرې وکړې.  
وروسته  د  نیالګیو روزونکو د ټولنې مسول رضوان الله ناصح وویل: "سږ کال ددې ټولنې له لورې د ننګرهار په مختلفو قوریو ۳۷۵  زره اصله د مالټو،  لیمو،  شفتالو،  املوک،  آلوچې،  آنار او اسرایلی چارمغزو تصدیقی بوټي روزلې او دکر لپاره تیار دې،  چې سږکال به د همدي تصدیقي نیالګیو څخه به د ننګرهار بڼوالو ته بڼونه جوړ شي".