پکتیا کې د شېدې ټولولو د مرکز رغنیزې چارې بشپړ او ګټې اخیستنې ته وسپارل شوه

content_admin
سه‌شنبه ۱۴۰۰/۳/۴ - ۹:۲۰
پکتیا کې د شېدې ټولولو د مرکز رغنیزې چارې بشپړ او ګټې اخیستنې ته وسپارل شوه

۴ غبرګولی ۱۴۰۰
د پکتیا د کرنې، اوبولګولو او مالدارۍ ریاست وايي، چې ددې ولایت په مرکز ګردیز کې د شېدې ټولولو د مرکز رغنیزې چارې بشپړ او د یاد ولایت د سیمه ییزو چارواکو په شتون کې ګټې اخیستنې ته وسپارل شوه.
د پکتیا د کرنې رییس محمدالدین مومند وایي، د شېدې ټولولو دغه مرکز چې دکرنې وزارت له پراختیایي بودیجې څخه جوړه شوې ده، د جوړولو لګښت یې ۳.۲ میلیون افغانۍ ده. دغه مرکز چې په ۲۴ ساعتونو کې له درې تر پنځه زره لېټره شېدې د ټولولو په وړتیا سره جوړه شوې عصري خونې، د زېرمې خونه، او ګدام لري.
ښاغلی مومند وایي، چې د شېدې ټولولو یاد مرکز په مستقیمه توګه له کلیوالو مالدارانو شیدې راټولوي او په دې مرکز کې یې پروسسوي، چې هم د کلیوالو مالدارانو د اقتصادي ودې لامل کېږي او هم په هېواد کې د لبنیاتو د پروسس د پراختیا په برخه کې د پام وړ مرسته کوي.
په دې اړه جوړه شوې غونډه کې، د پکتیا مرستیال والي عبدالولي سهي وویل، چې دغه مرکز به د مالدارانو ستونزې د خپلو محصولاتو د عرضه کولو په برخه کې تر ډېره حل کړي او له مالدارانو یې وغوښتل، چې خپلې مالدارۍ ته پراختیا ورکړي او د وطني محصولاتو په زیاتوالي کې د پام وړ بدلون راولي. هغه دغه راز له هېوادوالو وغوښتل، چې د بهرنیو توکو پر ځای له خپلو تولیداتو څخه ګټه پورته کړي.
ښاغلی سهي د کرنې ریاست کړنې او هڅې وستایلې، چې د کرنې او مالدارۍ په برخه کې یې ترسره کړي دي.
د مالدارانو په استازولی ملک ظفر او عبد الرحمن خبرې وکړې، د شېدو راټولو د یاد مرکز په جوړېدو یې خوښي څرګنده کړه او د کرنې ریاست څخه یې مننه وکړه، چې تل یې د بزګرانو او مالدارانو لپاره نه ستړې کیدونکې هلې ځلې او خدمتونه کړي دي.
په ورته وخت کې، ددې غونډې په ترڅ کې ۱۰۰ مالدارنو ته د شېدې ټولولو کېټونه هم ورکړل شول.
د یادو مرکزونو د جوړولو موخه د مالدارۍ د تولیداتو له لارې د خوړو خوندیتوب، د مالدارۍ وده او پراختیا، د مالدارۍ محصولاتو زیاتوالی، د مالدارۍ محصولاتو ته بازارمونده، دمالدارانو ستونزو ته رسېدنه او په ټوله کې د مالدارانو اقتصادي وده ده.

تازه ترین اخبار

شنبه ۱۴۰۴/۴/۷ - ۱۵:۲۷
Background image

توزیع ۴۸۰ رأس گوسفند و بره به ۲۴۰ خانواده نیازمند در ولسوالی برکه بغلان

۷ سرطان ۱۴۰۴ هـ.ش
ریاست زراعت، آبیاری و مالداری بغلان با همکاری مؤسسه اکتید، به هدف حمایت از خانواده‌های آسیب‌پذیر و تقویت اقتصاد روستایی، برای ۲۴۰ خانواده نیازمند در ولسوالی برکه این. . .

شنبه ۱۴۰۴/۴/۷ - ۱۱:۴۲
Background image

توزیع بسته‌های زراعتی برای ایجاد قطعات نمایشی جواری در ولایت پنجشیر

۷ سرطان ۱۴۰۴ هـ.ش
ریاست زراعت، آبیاری و مالداری ولایت پنجشیر در راستای ترویج روش‌های نوین زراعتی، ۱۵ بسته مواد زراعتی را به دهقانان پیشقدم این ولایت توزیع کرد.
قاری فضل‌الله دیوبند،. . .

شنبه ۱۴۰۴/۴/۷ - ۱۱:۱۳
Background image

رئیس عمومی انستیتوت تحقیقات زراعتی افغانستان از فارم تحقیقات زراعتی بلخ بازدید کرد

۷ سرطان ۱۴۰۴ هـ.ش
مولوی نصرت‌الله طلحه، رئیس عمومی انستیتوت تحقیقات زراعتی افغانستان، در رأس یک هیئت همراه، از بخش‌های مختلف فارم تحقیقات زراعتی ولایت بلخ بازدید و نظارت به عمل آورد.
در. . .

BACK TO NEWS