د کرنې وزیر له خوا د کندهار په صنعتي ښارګوټي کې د ممیزو د پروسس فابریکه پرانيستل شوه

mail-admin
سه‌شنبه ۱۴۰۰/۱/۱۰ - ۱۶:۱۴
د کرنې وزیر له خوا د کندهار په صنعتي ښارګوټي کې د ممیزو د پروسس فابریکه پرانيستل شوه

۱۰وری۱۳۹۹
د کرنې، اوبولګولو او مالدارۍ وزير ډاکټر انوار الحق احدي کندهار ولايت ته د خپل سفر په دوام د سوداګرو مېرمنو او دکرنې او سوداګرۍ خونې له يوشمېر چارواکو سره ترليدنې او د ارغنداب د اوبو دمدريت د لويې پروژې تر پرانيستې وروسته د کندهار مرستيال والي آغالالی دستکيري، يوشمېر سيمه ييزو چارواکو او پانګوالو په شتون کې د کندهار په صنعتي ښارګوټي کې د ۲۴میلیونو افغانیو په لګښت چې ۴۰سلنه یې د کرنې وزارت له خوا ورکول کیږي د ممیزو د پروسس فابریکه د پټۍ په پرې کولو سره ګټې اخېستنې ته وسپارل.
د مميزو د پروسس د يادې فابريکې په پرانيست غونډه کې،  دکرنې وزير وويل، چې دا پروژه د کرنې وزارت په ځانګړې ونډې سره جوړه شوې ده، چې په يو ساعت کې د يو ټن مميزو د پروسس وړتيا لري.
انوارالحق احدي په خپلو خبرو کې زياته کړه، چې ددې فابريکې د جوړولو موخه بهرنيو هېوادونو ته په لوړ کيفيت د مميزو صادرول دي. ښاغلی احدي وويل، چې کندهار د انګورو له لويو توليدوونکو ولايتونو څخه دی او ددې ولايت د انګورو محصولاتو خوندي کولو او د انګورو بڼوالو د عوايدو زياتولو او معياري مميزو د توليد په پار  تېر کال د کرنې وزارت له خوا په دې ولايت کې څه باندې ۹۰۰معياري مميزخونې جوړ شوي دي او په راتلونکي کال کې به نور مميزخونې هم جوړ شي.
دغه راز په دې پرانيست غونډه کې د کندهار مرستيال والي
اغا لالی دستګیري وويل،  چې ددغو فابریکو جوړېدل کولای شي، چې هېواود په پښو ودروي.
کندهار د انګورو له لويو توليدوونکو ولايتونو څخه دی، چې دکال زرګونه ټنه انګور توليدوي، او دکرنې وزارت له خوا ددې ولايت د انګورو خونديکولو او معياري مميزو توليد په پار يوازې تېر کال په دې ولايت کې ۹۱۱معياري مميزخونې جوړ شوي دي، چې د مميزو د پروسس د يادې فابريکې په پرانيستې سره به مميز په معياري ډول پروسس او کورنيو او بهرنيو هېوادونو ته به صادرشي، چې د بڼوالو د اقصادي ودې ترڅنګ به د ملي اقتصاد د ودې لامل هم شي.

تازه ترین اخبار

شنبه ۱۴۰۴/۴/۲۱ - ۱۵:۱۲
Background image

برگزاری جلسه پلان عمل احیا و حفاظت از جنگلات در وزارت زراعت

۲۱ سرطان ۱۴۰۴ هـ.ش
جلسه‌ای به منظور بررسی و تنظیم پلان عمل احیا و حفاظت از جنگلات کشور، در وزارت زراعت، آبیاری و مالداری تحت ریاست مولوی بازمحمد فیضان، معین آبیاری و منابع طبیعی این. . .

شنبه ۱۴۰۴/۴/۲۱ - ۱۴:۳۰
Background image

دیدار فنی از ساحات زراعتی قریه قلعه نورخان ولایت پروان

۲۱ سرطان ۱۴۰۴ هـ.ش
کارمندان فنی و مسلکی ریاست زراعت، آبیاری و مالداری ولایت پروان از باغ‌ها و زمین‌های زراعتی قریه قلعه نورخان ساحه خلازیی دیدار نمودند. این برنامه به اساس هدایت رهبری. . .

شنبه ۱۴۰۴/۴/۲۱ - ۱۱:۵۰
Background image

افتتاح مسلخ معیاری مواشی در شهر کهنه تالقان ولایت تخار 

۲۱ سرطان ۱۴۰۴ هـ.ش
یک باب مسلخ معیاری و عصری در منطقه شهر کهنه تالقان ولایت تخار  توسط شرکت خصوصی اعمار و به بهره‌برداری سپرده شد. این مسلخ با در نظرداشت اصول صحی و حفظ محیط زیست ساخته. . .

BACK TO NEWS