د کندهار په بولدک کې ۴۰ خاورین چکډمونه ګټې اخیستنې ته وسپارل شول

mail-admin
سه‌شنبه ۱۳۹۹/۱۲/۵ - ۱۴:۲۶
د کندهار په بولدک کې ۴۰ خاورین چکډمونه ګټې اخیستنې ته وسپارل شول

۵ کب ۱۳۹۹
د کندهار د کرنې، اوبولګولو او مالدارۍ ریاست وایي، چې د طبیعي سرچینو د څړځایونو د تنظیم پروژې په اډانه کې ددې ولایت د بولدک په ولسوالۍ کې د ځایي مالدارانو او کوچیانو د اوبو د ستونزې هوارولو او د مالدارۍ د ودې په پار د ۴۰ منځنۍ چکډمونو رغنیزې چارې بشپړ او ګټې اخیستنې ته وسپارل شول.
دغه پروژه، چې د کرنې وزارت د طبیعي سرچینو د لوی ریاست له خوا پلي شوي دي، د کندهار د بولدک ولسوالۍ د ځایي مالدارانو او کوچیانو د مالدارۍ د ودې په پار په کې، د مالدارانو څارویو لپاره ۴۰ خاورین منځنۍ چګډمونه جوړ شوي دي.
د کندهار د کرنې، اوبولګولو او مالدارۍ رییس سید حفیظ الله سیدي وایي، چې ددې پروژې پلي کول په دې سیمه کې د مالدارۍ د ودې ترڅنګ د مالدارانو د عوایدو د زیاتوالي لامل هم کېږي.
د ښاغلي سیدي په خبره یاد چکډمونه به وکولای شي، چې د ځمکې لاندې اوبه تقویه کړي، چې په پایله کې به یې کاریزونو او څاګانو کې اوبو ډېر او د خاورې د تخریب او سېلابونو مخه به ډب کړي او ترڅنګ یې د باران اوبه زېرمه، د خاورې د تخریب مخنیوي او وحشي ژویو ته به یوه پناګاه رامنځته کړي.
په ورته وخت کې له دغو پروژو څخه د بولدک ولسوالۍ برخمن شوي کوچیان او ځايي مالداران د کرنې وزارت څخه مننه وکړه، چې د مالدارانو او بزګرانو ژوند او تولیداتو ته ډېره پاملرنه او له مالدارانو او  بزګرانو سره په بېلابېلو برخو کې مرستې کوي. هغوی وویل، چې د کرنې وزارت مرستې او همکارۍ ددې لامل کیږي، چې د بزګرانو اقتصاد وده وکړي او تولیدات یې زیات شي.
د کندهار د کرنې، اوبولګولو او مالدارۍ رییس سید حفیظ الله سیدي وویل، چې  ددې ولسوالۍ د کرنې او مالدارۍ د ودې په موخه تر دې وړاندې هم یوشمېر پروژې پلي شوي دي، چې ورسره د یادې ولسوالۍ د بزګرانو او مالدارانو یوشمېر ستونزې هوارې شوي دي. ښاغلی سیدي وویل، چې په نږدې راتلونکې کې به په دې ولسوالۍ کې یوشمېر نورې پروژې هم پلي شي، چې د نویو پروژو په پلي کېدو سره به ددې ولسوالۍ د بزګرانو او مالدارانو یوشمېر نور شته ستونزې هم هوارې او د دوی اقتصاد به ور سره وده وکړي.

خبرهای تازه

شنبه ۱۴۰۴/۵/۱۱ - ۱۲:۴۳
Background image

برگزاری روز مزرعه نباتات تابستانی در فارم تحقیقاتی اردوخان هرات

۱۱ اسد ۱۴۰۴ هـ.ش
ریاست زراعت، آبیاری و مالداری ولایت هرات با همکاری سازمان خواراک و زراعت ملل متحد (FAO) در فارم تحقیقاتی زراعتی اردوخان، روز مزرعه (Field Day) نباتات تابستانی را برگزار. . .

شنبه ۱۴۰۴/۵/۱۱ - ۱۲:۳۳
Background image

رهنمایی مالداران ولسوالی شتل پنجشیر در زمینه تغذیه و حفظ‌الصحه گاوهای شیری

۱۱ اسد ۱۴۰۴ هـ.ش
ریاست زراعت، آبیاری و مالداری ولایت پنجشیر ده‌ها تن از مالداران ولسوالی شتل را در زمینه‌های مختلف مالداری رهنمایی کرد.
در این برنامه آموزشی، کارمندان مدیریت عمومی خدمات. . .

شنبه ۱۴۰۴/۵/۱۱ - ۱۲:۳۳
Background image

توزیع وسایل پروسس سبزیجات برای ۵۰ فامیل در بنگی تخار

۱۱ اسد ۱۴۰۴ هـ.ش
ریاست زراعت، آبیاری و مالداری ولایت تخار با همکاری مؤسسه میشن‌ایست، وسایل پروسس سبزیجات و مواد لازم آن را برای ۵۰ فامیل در قریه قلبراق ولسوالی بنگی توزیع کرد.
همزمان با. . .

بازگشت به خبرها