ارغستان کې د اته میلیونه افغانیو په لګښت د اوبو د بند چارې بشپړې شوې

mail-admin
دوشنبه ۱۳۹۹/۱۰/۲۹ - ۱۱:۴۱
کندهار

۲۹ مرغومې ۱۳۹۹
د کندهار دکرنې، اوبولګولو اومالدارۍ ریاست چارواکي وایي، چې د تېرو دوو کلونو په ترڅ کې ددې ولایت په ارغستان ولسوالۍ کې د اوبومهارولو او د خاورې د تخریب د مخنیوی په برخه کې ۸۳ بېلابېلې پروژې پلي شوي دي. د دوی په خبره په دې وروستیو کې د کرنې وزارت له پراختیایي بودیجې څخه د اته میلیونه افغانیو په لکښت د اوبو د مهارولو د یوې بند چارې بشپړ او ګټې اخیستنې ته وسپارل شوه.
د کندهار د کرنې، اوبولګولو او مالدارۍ رییس سید حفیظ الله سیدي وایي، چې یاد بند د ارغستان ولسوالۍ د جنګ ژورې په سیمه کې د موسمي اوبو راګرځولو او زېرمه کولو په پار جوړه شوې ده، چې د ۱۱۵زره متر مکعب اوبو د زېرمه کولو وړتیا لري. د ښاغلي سیدي په خبره یاد بند به څه باندې اته زره جریبه کرنیزې ځمکې د خړوبولو تر پوښښ لاندې راولي او دغه راز نوی جوړ شوی بند به وکولای شي، چې د ځمکې لاندې اوبه تقویه کړي، چې په پایله کې به یې کاریزونو او څاګانو کې اوبو ډېر او د خاورې د تخریب او سېلابونو مخه به ډب کړي.
د کندهار د کرنې رییس سید حفیظ الله سیدي زیاته کړه د ارغستان ولسوالۍ د خلکو په غوښته په تېرو دوو کلونو کې ددې ولسوالۍ په بېلابېلو کلیو کې د اوبو مهارولو او دخاورې د تخریب د مخنوی په برخه کې ۸۳ پروژې پلي شوي دي. د کندهار د کرنې رییس وویل، چې په دغو پلي شویو پروژو کې «سربندونه، کوچني کانګړېټي چکډمونه، د اوبو زېرمه کولو خاورین حوزونه او ژورې څاګانې کېندل شامل دي، چې له دغو پلي شویو پروژو څخه ددې ولسوالۍ زرګونه اوسیدونکي ګټه پورته کوي.»
د ښاغلي سیدي په خبره ددې ولسوالۍ د کرنې د ودې په موخه په نږدې راتلونکې کې به په دې ولسوالۍ کې یوشمېر نورې پروژې هم پلي شي. د هغه په خبره د یادو پروژو په پلي کولو سره ددې ولسوالۍ د بزګرانو ډېرې ستونزې هوارې شوي دي او د نویو پروژو په پلي کېدو سره به ددې ولسوالۍ د بزګرانو یوشمېر نور شته ستونزې هم هوارې او د دوی اقتصاد به ور سره وده وکړي.

خبرهای تازه

دوشنبه ۱۴۰۴/۶/۳ - ۱۲:۵۸
Background image

پروژه کشت نباتات طبی هنگ در ولسوالی شیخ علی پروان آغاز شد


۳ سنبله ۱۴۰۴ هـ.ش
مسوولان ریاست زراعت، آبیاری و مالداری پروان می‌گویند پروژه کشت نباتات طبی هنگ در ولسوالی شیخ علی این ولایت آغاز شده است.
به گفته آنان، هیأتی متشکل از آمر تنظیم منابع. . .

دوشنبه ۱۴۰۴/۶/۳ - ۱۲:۲۴
Background image

پروژه سروی بیماری بروسلوز و خون‌گیری از حیوانات در بادغیس آغاز شد

۳ سنبله ۱۴۰۴ هـ.ش
مسوولان ریاست زراعت، آبیاری و مالداری بادغیس می‌گویند پروژه سروی بیماری بروسلوز و خون‌گیری از حیوانات مشکوک به این بیماری در این ولایت افتتاح گردیده است.
به گفته آنان،. . .

دوشنبه ۱۴۰۴/۶/۳ - ۱۲:۲۰
Background image

توزیع وسایل پروسس شیر برای پروسس‌کنندگان محلی در کلفگان

۳ سنبله ۱۴۰۴ هـ.ش
مسوولان ریاست زراعت، آبیاری و مالداری تخار می‌گویند روند توزیع وسایل شیر‌دوشی و پروسس لبنیات برای ۲۰ تن از پروسس‌کنندگان محلی در ولسوالی کلفگان آغاز شده است.
به گفته. . .

بازگشت به خبرها