لغمان کې د لیمو او مالټې ۳۷ نوي بڼونه جوړ شوي

mail-admin
چهارشنبه ۱۳۹۹/۸/۷ - ۱۵:۱۲
لغمان کې د لیمو او مالټې ۳۷ نوي بڼونه جوړ شوي


۷ لړم ۱۳۹۹
د هېواد په ختیځ زون کې «ننګرهار، کونړ او لغمان» هغه ولایتونه دي، چې هوا او ځمکه یې د سټروسو نیالګیو ته جوړه او مناسبه ده او په یادو ولایتونو کې د سټروسو «مالټې، نارنج او لیمو» بڼونه ډېر دي.
د لغمان په ولایت کې د سټروسو بڼونه شته او خلک په خپلو کورونو او کروندو کې د سټروسو ونې اېښي دي او يا د سټروسو بڼونه یې جوړ کړي دي، خو په تېرو دوو کلونو کې د کرنې وزارت له خوا په دې ولایت کې د سټروسو یوشمېر معیاري بڼونه هم جوړ شوي دي.
په هېواد کې د سټروسو او نورو مېوه لرونکو بڼونو د پراختیا د هلوځلو په دوام داځل د کرنې وزارت د بڼوالۍ ځنځیري ارزښت دودې سکټورې پروژې« HVCDSP» له خوا د لغمان مرکز مهترلام بابا په سیمه کې د لیمو او مالټې ۳۷ جریبه نوي بڼونه جوړ شوي دي.
د کرنې وزارت د بڼوالۍ ځنځیري ارزښت د ودې سکټورې پروژې چارواکي وایي، چې په دغو بڼونو کې د لیمو دوه زره او ۱۰۰ نیالګي او د مالټې درې زره او ۸۰ نیالګي اېښودل شوي دي. د دوی په خبره ددغو بڼونو د جوړولو ټولیز لګښت ۳.۹ میلیونه افغانۍ ده، چې د اسیایي پراختیایي بانک له خوا تمویل شوې ده. له دغو بڼونو په نانېغه توګه ۸۵۰۰ تنه نارینه او ښځې ګټه پورته کوي.
د کرنې وزارت د بڼوالۍ ځنځیري ارزښت د ودې سکټورې پروژې د چارواکو په وینا یاد بڼونه د تودوخي د کنټرول، د اکسیجن د تولید او همدارنګه د خاورې د تخریب د مخنیوي په برخه کې خورا رغنده رول لوبوي او همدارنګه نوموړي بڼونه د بزګرانو لپاره د عاید ترلاسه کولو یوه حلاله او ښه لاره هم ده.
د یادو بڼونو یو تن ګټه اخیستونکی، اسدالله وايې: «پخوا دا ځمکه یوه سپیره دښته وه، چې خلک به د الوتونکو مرغانو د ښکار لپاره دلته راتلل او بېلابېل الوتونکي به یې په ناقانونه توګه ښکارول، خو اوس دا دښته د لیمو او مالټو په نیالګیو سمسوره شوې، چې دا چاره له یوه پلوه د چاپېریال لپاره ګټه لري او له بله پلوه زمونږ لپاره د عایداتو ترلاسه کولو یوه ښه سرچینه ده .»
د کرنې وزارت د بڼوالۍ ځنځیري ارزښت د ودې سکټورې پروژې « HVCDSP» چارواکي وایي  په پام کې لري، چې د هېواد په څلورو ولایتونو «ننګرهار، لغمان، کونړ او خوست» کې د سټروسو یوشمېر نور بڼونه هم جوړ کړي.
د کرنې وزارت هلې ځلې کوي، چې د هېواد په کچه کې بڼوالۍ ته وده ورکړي، هغه ونې ترویج کړي چې په ډېره لنډه موده کې مېوه نیسي او ښه کمیت او کیفیت لرونکي وي، تر څو د بڼوالۍ محصولات ډېر او د بڼوالو عواید زیات شي.

تازه ترین اخبار

شنبه ۱۴۰۵/۸/۳۰ - ۱۶:۲۲
Background image

بررسی روند توزیع تخم اصلاح‌شده پنبه اوزبیکستان برای دهاقین ولایت جوزجان

۳۰ عقرب ۱۴۰۵ هـ.ش
مولوی مصباح‌الدین مستعین رئیس توسعه غله‌جات، نباتات تیلی و صنعتی وزارت زراعت، آبیاری و مالداری، در سفر کاری به ولایت جوزجان با مولوی جان‌مراد وقار رئیس زراعت، آبیاری و. . .

شنبه ۱۴۰۵/۸/۳۰ - ۱۶:۲۰
Background image

توزیع تخم اصلاح‌شده گندم برای ۲ هزار دهقان در ولایت غور

۳۰ عقرب ۱۴۰۵ هـ.ش
ریاست زراعت، آبیاری و مالداری ولایت غور با همکاری دفتر مؤسسه سی اچ ای  در فیروزکوه، برای ۲ هزار تن از دهاقین واجد شرایط در مرکز این ولایت، تخم اصلاح‌شده گندم را پس از. . .

شنبه ۱۴۰۵/۸/۳۰ - ۱۶:۲۰
Background image

توزیع وسایل پروسس لبنیات برای ۷۴ زن مالدار در ولایت سمنگان آغاز شد

۳۰ عقرب ۱۴۰۵ هـ.ش
روند توزیع ۳۴ قلم وسایل و تجهیزات پروسس لبنیات برای ۷۴ تن از زنان مالدار در ۲۱ قریه ولسوالی خرم و سارباغ ولایت سمنگان، از سوی دفتر افغان‌اید در همکاری ریاست زراعت،. . .

BACK TO NEWS