د کندهار دامان ولسوالی کې د عامې روغتیا ساتني لپاره  زرګونه څاروي معاینه شوې

۴ غبرګولي ۱۴۰۵ ھ.ش
۸ ذُی الحجه ۱۴۴۷ هـ.ق
د کندهار د کرنې، اوبو لګولو او مالدراۍ ریاست تر رهبرۍ لاندې، د مالدارۍ آمریت له لورې د کندهار د  دامان ولسوالی مسلخ کې د مالدارۍ مسؤلینو د تېرې یوې میاشتي په لړ کې څه باندې درې زره او ۳۰۴ څاروي معاینه کړي، چې په یادو څارویو کې ۷۰۶پسونه، ۲۵۹۶ وزګړي او ۳۴ غوایي شامل دي، چې له دې ډلې ۷ څارویو روغتیا د ډاډ وړ نه وه، چې هغه څارویو ته د پلورولو اجازه نه ده ورکړل شوي.
د مسلخ مسؤلین زیاتوي؛ په کندهار کې هر ورځ سلګونه څاروي د عامي روغتیا ساتني او بېلابېلو ناروغیو د خپریدو څخه د مخنیوي په موخه معاینه کېږي او ترڅنګ یې هغه څارویو ته اجازه نه ورکول کېږي، چې په ناروغیو ککړ او یاهم مشکوک وي.
د کندهار د کرنې، اوبو لګولو او مالدارۍ ریاست پر ټولو ښاریانو ږغ کوي، چې غیري قانونې او بی مهره غوښو پیرلو څخه ډډه وکړي، ترڅو په ټولنه کې د څارویو څخه د ډول ډول ناروغیو د رامنځته کیدو او انتقال مخه ونیول شي. 
  د یادونې وړ ده، چې په دې وروستیو کې د څارویو ناروغیو خپریدو او عامي روغتیا ساتني لپاره د کندهار مالدارۍ آمریت زیاتي هڅې کوي، چې په دامان او ډنډ ولسوالیو مسلخونو کې په ورځني ډول سلګونه بېلابېل څاروي معاینه کړي او وروسته یې سالم څاروي بازار ته د غوښو په منظور وړاندې کړي.