د ننګرهار دکرنې ریاست؛ دوه عرادې موټرې له اوږدې مودې وروسته ترمیم شوي
۱۲ کب ۱۴۰۴ه.ش
۱۴ رَمَضانُ المُبارَک ۱۴۴۷ه.ق
د ننګرهار د کرنې، اوبو لګولو او مالدارۍ ریاست په هڅو او د کرنې وزارت په مالي لګښت دوه عرادې موټرې له اوږدې مودې خراب حالت وروسته ترمیم او ګټې اخېستنې لپاره اماده شوي.
د ننګرهار د کرنې، اوبو لګولو او مالدارۍ رییس مولوي عبدالستار محمد وویل، چې یو عراده ټانکر او یو عراده داطفایې موټر یې د کرنې وزارت د داخلې بودیجې په مرسته ترمیم او د فعالیتونو ترسره کولو لپاره برابر کړي.
ښاغلي محمد وویل، چې د یادو موټرو څخه به د کرل شوو نیالګیو خړوبولو او په ځنګلي سېمو کې د اور لګېدنې په صورت کې ګټه پورته شي.
د ننګرهار دکرنې رییس زیاته کړه، هڅه کوي دننګرهار د کرنې ریاست له لورې د کرل شوو نیالګیو او ځنګلونو په ښه شکل ساتنه وکړي.
