د کرنې وزارت د ترانسپورت ریاست نوی رییس معرفي شو
۱۱ سلواغه ۱۴۰۴ه.ش
۱۲ شَعبان المُعَظّم ۱۴۴۷ه.ق
مولوي غلام محمد حافظ احمد د کرنې، اوبو لګولو او مالدارۍ وزارت د ترانسپورت ریاست د نوي رییس په توګه معرفي او په رسمي ډول یې خپله دنده پیل کړه.
د ترانسپورت ریاست د نوي رییس په پېژند غونډه کې د دفتر رییس ملا محمدحسین خورشید احمد، د کارکوونکو د چارو رییس مولوي شمس‌الله محمد، د عشر او زکات د راټولولو لوی رییس مولوي ندامحمد عابد، د عشر رییس مولوي مفتاح‌الدین متقي، د کرنې وزارت د یو شمېر سلاکارانو او کارکوونکو ترڅنګ ګډون درلود.
مولوي غلام محمد حافظ احمد له صادقو او نېک‌نامو مجاهدینو څخه دی، چې د کرنې وزارت د وړاندیز او د اسلامي امارت د ریاست‌الوزراء د هدایت او منظورۍ پر بنسټ په دې دنده ګمارل شوی دی.
