د غزني کرنې ریاست کې سکټوري غونډه دایره شوه

۲۴ مرغومې ۱۴۰۴ه‍.ش
۲۴ رَجَب المُرَجَّب ۱۴۴۷ه‍.ق
 د غزني ولایت د کرنې، اوبولګولو او مالدارۍ ریاست په مقر کې د کرنې او کلیو پراختیا سکټوري غونډه د اړوندو ادارو مسؤلینو، د همکارو مؤسسو استازو او د سکټوري ارګانونو په ګډون ترسره شوه.
د غونډې پیل د غزني دکرنې ریاست د کرنیزو چارو آمر مولوی مومین خان ابو دجانه د مؤسسو د فعالیتونو ستاینه وکړه او د دوی له کارکردګیو څخه یې خوښي څرګنده کړه. نوموړي مؤسسړ ته سپارښتنه وکړه، چې خپلو مثبتو او مؤثرو فعالیتونو ته لا پراختیا ورکړي.
ورپسې، د ناروې کمېټې استازي د خپل مؤسسې د کړنو تفصیل وړاندې کړ، چې یاده مؤسسه په عمده توګه د کرنیزو کانالونو، حوضونو او اوبولګولو په برخه کې فعالیت لري.
همداراز، د شلترفار  لایف مؤسسې استازي د خپلې مؤسسې له لوري په ولسوالیو کې د بڼوالۍ، زېرمتونونو او مالدارۍ برخو کې د تطبیق شوو پروژو په اړه مفصل معلومات وړاندې کړل.
یاده غونډه د همغږۍ، تجربو شریکولو، او د مؤثرو برنامو د پلان کولو په موخه ترسره شوه، ترڅو د کرنې او کلیوالي پرمختګ په برخه کې لا همغږي رامنځته شي.