د میدان وردګو ولایت د کرنې ریاست په تالار کې سکټوري غونډه دایره شوه

۱۳ وږی ۱۴۰۴ هـ.ش
۱۱ رَبِیعُ الْأَوَّل ۱۴۴۷ هـ.ق
د میدان وردګو ولایت د کرنې، اوبو لګولو او مالدارۍ ریاست په تالار کې د یو لړ اړوندو ادارو ترمنځ سکټوري غونډه دایره شوه.
په یاده غونډه کې د کلیو پراختیا ریاست، د چاپېریال ساتنې ریاست، د اقتصاد ریاست، او د کرنې ریاست اړوند آمریتونونو لکه د طبیعي سرچینو، د کرنیزو خدمتونو، او د څارویو د روغتیا آمریتونو استازو ګډون کړی و.
د غونډې په ترح کې ګډونوالو خپلې نظریې وړاندې کړل. په بحث کې پر هغو مهمو موضوعاتو تمرکز وشو چې د ریاست په کچه لوړ لومړیتوب لري.
په غونډه کې د چک ډېمونو، آب‌ګردانونو، ذخیره بندونو جوړولو او اغېزو بحث وشو. همداراز، د اقتصاد ریاست استازي د یادو پروژو په اړه پر کانسپټ نوټونو هم رڼا واچوله.
د غونډې ګډونوالو یو بل سره نظرونه تایید کړل او غونډه د همغږۍ او تفاهم په فضا کې په ښه توګه پای ته ورسېده. 
ددې غونډې موخه د ادارو ترمنځ همغږي، د مشترکو کارونو پلان جوړونه، او د کرنیزو پروژو د تطبیق مؤثریت و.