پکتیکا کې ۱۲۵ مستحقو مالدارانو ته د مالدارۍ کیټونه ووېشل شول

۱۸ زمری ۱۴۰۴ هـ.ش
۱۵ صَفَر المُظَفَّر ۱۴۴۷ هـ.ق
د پکتیکا ولایت د کرنې، اوبولګولو او مالدارۍ ریاست تر چتر لاندې د اړیکو دفتر د یاد ولایت په اوو (۷) ولسوالیو کې د کرنیزو پروژو د تطبیق چارې پر مخ وړي، چې دا بهیر د بزګرانو او مالدارانو د ژوند د ښه والي او اقتصادي پیاوړتیا لپاره دوام لري.
په همدې لړ کې، د سرحوضې ولسوالۍ اړوندو کلیو کې د ۱۲۵ مستحقو مالدارانو لپاره د مالدارۍ کیټونو د وېش لړۍ ترسره شوه.
دغه کیټونه د ټیلو مؤسسې له‌خوا برابر شوي، چې په ټولیز ډول ۲۵ قلمه اړین توکي لري او د مالدارانو د ورځني تولید او مدیریت د ښه‌والي لپاره ترتیب شوي دي.
د کیټونو وېش د سرحوضې ولسوالۍ د مسؤلینو او د پکتیکا د کرنې ریاست د اړوند پلاوی په همغږۍ ترسره شو، چې موخه یې د مالدارانو د اړتیاوو پوره کول، د مالدارۍ سکټور پیاوړتیا او د کلیوالو اقتصاد پراخول دي.
د پکتیکا د کرنې، اوبولګولو او مالدارۍ ریاست مسؤلین وایي، چې دا ډول مرستې به په دوامداره توګه د نورو مستحقو بزګرانو او مالدارانو تر منځ هم ترسره شي.