د ترویج او د تصدیق شوي بوټو د روزنې او تولید په اړه روزنیز ورکشاپ پیل شو
۲ لیندۍ ۱۳۹۸
د کرنی اوبو لګولو او مالدارۍ وزارت اړوند دویم ملي لومړیتوب څخه د ملاتړ برنامې له لوري د ننګرهار کرنې اوبو لګولو او مالدارۍ ریاست سره په همغږۍ د لسو بېلابېلو ولسوالیو د ترویج مدیرانو، سیمه ییزو کارکوونکو او قرویه لرونکو ته د تصدیق شویو بوټو د روزنې اوتولید په هکله روزنیز ورکشاپ پیل شو. په یاد پروګرام کی د کرنې، اوبولګولو او مالدارۍ سرپرست رییس عطاالحق (بشری) دداسېورکشاپونو دایریدل اړین او مهم وبلل او ګډونوالو ته سپارښته وکړه، چېدورکشاپ څخه پوره ګټه واخلي او په خپلو اړونده سیمو کې د تصدیقي بوټو په تولید کې عملي بڼه ورکړي.
د یادونې وړ ده، چې د دویم ملي لومړیتوب څخه د ملاتړ برنامه ( SNaPP2) د کرنې اوبولګولو او مالداری ریاست سره په همغږی د ننګرهار په اتو بیلا بیلو ولسوالیو کې د ۲۰۱۷ کال راپدیخوا (۱۰) لس د میوه لرونکي بوټو قوریې احداث کړي، چې په نتیجه کی په زرګونه تصدیق شوي بوټي تولید شوي، دغه راز نوموړی برنامه په پلان کې لري، چې سږ کال نهه د میوه لرونکو ونو غټې او وړې قوریې احداث کړي.
