د کرنې وزارت د اراضۍ رياست لخوا کډوالو او بېرته راستنېدونکو چارو وزارت ته ځمکه انتقالېږي
۴ سلواغه ۱۴۰۳ھ.ش
۲۳ رَجَب المُرَجَّب ۱۴۴۶ه.ق
د کرنې، اوبولګولو او مالدارۍ وزارت د اراضۍ ریاست د ځمکو د انتقال او وېش رياست کې جوړه شوې غونډه کې، چې د ځمکو د انتقال او وېش رییس مولوي سید محمد سعید او د کډوالو او بېرته راستنېدونکو چارو وزارت د بېرته راستنېدو او بیا يوځای کېدو رییس مولوي شکرالله شاکر ګډون درلود. د کرنې وزارت د اراضۍ لوی رياست لخوا کډوالو او بېرته راستنېدونکو چارو وزارت د ځمکې پرلېږد خبرې اترې وشوې.
ياده ځمکه د کرنې وزارت د اراضۍ لوی رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا کورنيو چارو وزارت ته د پنجشېر ولایت په عنابه ولسوالۍ کې په ۱۷۸.۲۸ جريبه ځمکه باندې د مهاجرينو لپاره د ښارګوټي د جوړولو په موخه انتقالېږي.
د یادې ځمکې د لېږد ټړون د کرنې وزارت اراضۍ ادارې د ځمکو د انتقال او وېش رییس مولوي سيد محمد سعيد او د کډوالو او بېرته راستنېدونکو چارو وزارت د بېرته راستنېدو او بیا يوځای کېدلو رییس مولوي شکرالله شاکر ترمنځ لاسلیک شو.
