پکتیا کې ۴۸ زره ډوزه د څارویو مختلف النوع واکسینونو د تطبیق لړی پیل شوه
۲۱ لېندۍ ۱۴۰۳ه.ش
۱۰ جُمَادَى الثاني۱۴۴۶ه.ق
د پکتیا ولایت دکرنې، اوبولګولو او مالداری ریاست اړوند د مالداری آمریت کارمندانو لخوا یو ځل بیا د کوچنیو شخوند وهونکو څارویو (پي،پي آر) ، د پوستکي ناروغۍ (ال اس ډي) او طبق ( ایف ایم ډي) واکسینونو د تطبیق لړی پیل شوه.
یاد پروګرام چ د کرنې او خوړو نړۍوالې ادارې (اف اې او) په مالي لګښت او د خصوصي سکتور وترنر ډاکترانو په همکارۍ د پکتیا ولایت د مرکز په ګډون په ۱۴ ولسوالیو کې پلي کېږي.
د واکسینونو د تطبیق څخه موخه د څارویو روغتیا پالنه ده، ترڅو په راتلونکې کې یاد څاروي د ځیږکۍ، د پوستکې ناروغۍ او طبق ناروغیو څخه روغ پاتې شي، د څارنې دا لړۍ به په ټولو ولسوالیو کې دوام ولري.
د یادولو وړ ده، چې په نوموړي واکسینونو کې ۱۲زره ډوزه واکسین د کوچنیو شخوند وهونکو څارویو ( پي،پي، آر) او ۲۵زره ډوزه د پوستکي ناروغۍ (ال اس ډي) او ۱۱ زره ډوزه د طبق (ایف ایم ډي) ناروغیو واکسینونه شامل دي.
