هلمند کې د لبنیاتو د پروسس فابریکې رغنیزې چارې ۵۰ سلنه بشپړې شوې
۲۱ لړم ۱۴۰۳ه.ش
۹ جُمَادَى الأول ۱۴۴۶ه.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا امریت چارواکو مرکز لښکرګاه کې د شېدو د پروسس فابریکې د رغولو چاري له نږدې و ارزولې.
ددغې فابریکې د رغونې چارې څه موده وړاندې پیل شوې وې، چې دا مهال یې رغنیزې چارې تر ٥٠ سلنه زیات سرته رسیدلي دي.
په ورته وخت کې د مالدارۍ او حیواني روغتیا آمر د اړونده قراردادي شرکت مسؤلینو ته سپارښتنه وکړه، چې پاتې کارونه هرڅومره ژر چې ممکنه وي ترسره کړي ترڅو د لبنیاتو د پروسس په برخه کې لازم خدمات وړاندې شي، چې دیادې فابریکي مسؤلینو یې د چارو د ژر او پر وخت سرته رسولو ډاډ ورکړ.
باید وویل شي، چې دغه فابریکه به تر رغېدو وروسته د اتو ساعتونو په موده کي ۴۰ ټنه شیدې پروسس کړي چي شیدې، مستې، شلومبې، پنیر، پېروی او د شېدو انرژیاني به تولیدوي او د هلمند تر څنګ د هېواد نورو ولایتونو ته به هم ولېږدول شي.
