ننګرهار کې د ځنګلونو ساتنې په موخه شېرزادو او حصارک ولسوالیو چارواکو او قومي مشرانو سره سلا مشورې وشوې
۱۴ لړم ۱۴۰۳ه.ش
۲ جُمَادَى الأول ۱۴۴۶ه.ق
د ننګرهار د کرنې، اوبو لګولو او مالدارۍ رییس او د ځنګلونو ساتنې کمیټې مشر مولوي محمد ولي محسن او د کمېټې نورومسؤلینو شېرزاد او حصارک ولسوالیو مرستیالانو او قومي مشرانو سره د ځنګلونو ساتنې، بیارغونې او دلرې پرتو ولسوالیو د ولسونو ستونزو تشخیص او ورته د حل لارې پیداکولو په موخه وکتل.
د ننګرهار د کرنې، اوبو لګولو او مالدارۍ رییس مولوي محمد ولي محسن ځنګلونه د هېواد مهمي ملي شتمني یادې کړي او د ولسونو څخه یي د ساتنې او بیا رغولو کې د همکاریو د غوښتنو ترڅنګ د کرنې، اوبو لګولو او مالدارۍ وزارت د کړنلارو او ځنګلونو ساتني طرزالعملونو د تطبیق او خلکو ته د ځنګلونو ارزښت، ساتني او د ځنګلونو د پریکولو مخنیوي او سلا مشورو په موخه وکتل.
ښاغلي محسن قومي مخورو ته وویل ستاسو د ستونزو تشخیص، ځنګلونو د پریکولو مخنیوی،ځنګلونو بیا رغولو،ساتني او نورو اړونده برخو معلومات به راټول او د کرنې محترم وزارت سره د یو تفصیلي راپور په شکل شریکې کړې.
د ولسوالیو قومي مخورو خپلې ستونزې، غوښتنې او وړاندیزونه د ځنګل ساتنې کمیټې مسؤلینو سره شریکي کړلې او هم یې د ځنګلو ساتلو او بیا رغولو په برخه کې د پوره همکارۍ ډاډ ورکړ. قومي مخورو پخپلو ولسوالیو کې د بدیل معشیت د پروژو پلې کولو غوښتنه هم وکړه.
د ننګرهار د کرنې، اوبو لګولو او مالدارۍ رییس مولوي محمد ولي محسن قومي مشرانو ته په ټولو قانوني چارو کې د هر راز همکارۍ او همغږۍ ډاډ ورکړ.
د ځنګلونو ساتنې ولایتي کمیټه چې د کرنې رییس په مشرۍ جوړه شوې ده، چې په ترکیب کې یې د ننګرهار ولایت مقام، علمآوشورا، استخباراتو، قول اردو اوقومندانۍ استازي برخه لري، چې د ځنګلونو د ساتنې لپاره د ولسوالیو مسؤلینو او قومي مخورو سره سلا مشورې ترسره کوي.
