کندهار کې د ولسوالیو د مالدارانو له استازو سره د همغږۍ ناسته وشوه

د کندهار دکرنې، اوبولګولو او مالدارۍ ریاست د مالدارۍ آمریت ددې ولایت د مالدارانو د ستونزو هوارولو او د مالدارۍ سکټور د پیاوړتیا په پار د خپلو هلو ځلو په دوام د کندهار ولایت د ولسوالیو د مالدارانو له یوشمېر استازو سره په کتنه کې د دوی ستونزې، غوښتنې، ننګونې او ړاندیزونه واورېدل.
ددې غونډې په ترڅ کې د فارمونو د ثبت او راجستر، په مرکز او ولسوالیو کې د څارویو د واکسینونو پر پلي کولو، د مالدارانو شېدو ته بازار موندنه، په بازار کې د مچو شېدو مخنیوی او یوشمېر نورو اړوندو موضوعاتو خبرې اترې وشوې.
په ورته وخت کې د کندهار دکرنې ریاست د مالدارۍ آمریت چارواکو له فارم لرونکو وغوښتل، چې خپل فارمونه ثبت او راجستر کړي، ترڅو د کرنې ریاست او همکار مؤسسو له خوا له دوی سره مرستې وشي.
د کندهار دکرنې ریاست په پام کې لري، چې په دې ولایت کې د مالدارۍ فارمونو تر ثبت او راجستر وروسته د ازادې سیالۍ له لارې دوی ته ټولنې رامنځته کړي، ترڅو له دې لارې د دوی محصولاتو ته بازارموندنه او ستونزو ته یې رسېدنه ووشي.