د هلمند ناوه کې زرو مالدارانو سره د مرستې لړۍ پیل شو
۳ کب ۱۴۰۲ه.ش
۱۱ شَعبان المُعَظّم ۱۴۴۵ه.ق
دهلمند ولایت د کرنې، اوبولګولو او مالدارۍ ریاست لخوا، د بشري خیریه مؤسسې په مالي همکارۍ د ناوې ولسوالی زرو تنو مالدارانو سره د حیواني خوراکې د مرستې تر څنګ د زده کړو لړۍ پیل شوی دی.
ددغو مرستو په لړ کې به د یادې ولسوالی ١٠٠٠ کورنیو ته د څارویو څلور بوجۍ حیواني خوراکه او د حیواني ناروغیو مخنیوی په اړه روزنه ورکول کېږي.
د یادولو وړ ده، چې د مستحقو کورنیو د سروې لړۍ د یو ګډ پلاوي لخوا مخکې ترسره شوې وه، چې د وېش چارې یې رسمآ پیل شوې.
د هلمند د کرنې ریاست هڅه کوي ترڅو د بېلابېلو برنامو له لارې د بزګرو او مالدارو لاسنیوی وکړي ترڅو ددوی په کرنیز اقتصاد کې بهبود او نوښت رامنځته شي.
