د کندهار پنجوايي کې پر ۱۰۰ بزګرانو کیمیاوي سرې ووېشل شوې
۷ مرغومې ۱۴۰۲ه.ش
۱۵ جُمَادَى الثاني ۱۴۴۵ ه.ق
د کندهار دکرنې، اوبولګولو او مالدارۍ ریاست د افغانستان لپاره د هالنډ کمېټې په همکارۍ ددې ولایت د پنجوايي ولسوالی پر ۱۰۰ بزګرانو کیمیاوي سرې وېشلي دي.
د کندهار دکرنې ریاست چارواکي وایي، چې ددې مرستې په لړ کې هر بزګر ته ۵۰ کیلوګرامه سپینه سره ورکړل شوې، چې ورسره به د یادو بزګرانو په حاصلاتو کې د پام وړ زیاتوالی رامنځته شي.
د چارواکو په خبره دغه کیمیاوي سرې پرهغو بزګرانو وېشل شوي دي، چې تر دې وړاندې دوی ته د غنمو اصلاح شوي تخم هم ورکړل شوې وه.
ددې مرستې موخه د بزګرانو ملاتړ او په ټوله کې د بزګرانو د کرنیزو حاصلاتو د زیاتوالي له لارې د دوی اقتصادي ودې ته زمینه برابرول دي.
